تورکیا نڤیسینگەها دایینا ڤیزایێ ل کەرکوکێ ڤەدکە
فۆتۆ:
2018-12-02
4353 جار خوێندراوەتەوە
بالیۆزێ تورکیا ل بەغدایێ راگەهاند، وەلاتێ وی نڤیسینگەها دایینا ڤیزایێ ل کەرکوکێ ڤەدکە.
فاتیح ییلدز بالیۆزێ تورکیا ل بەغدایێ د چارچۆڤەیا سەردانا خوە دە بۆ قەزایا دۆزخورماتوویێ راگەهاند، وەلاتێ وی نڤیسینگەها دایینا ڤیزایێ ل کەرکوکێ ڤەدکە و دەربارێ وێ مژارێ دە د گەل حکومەتا عێراقێ د ناڤا پیوەندیان دانە.
بالیۆزێ تورکیا ل بەغدایێ هەروەسا دیار کر، وەکی باژارۆکێن دن یێن تورکمانان ل عێراقێ، ئالیکاریا دوزخورماتوویێ ژی دێ بێ کرن.
ل هەولیرێ کونسولخانەیا حکومەتا تورکیا هەیە و ل باژارێن سلێمانی و دهۆکێ ژی نڤیسینگەها دایینا ڤیزایێ ڤەکریە و هەر سال ب سەدان هەزار کەس ژ وەلاتیێن هەرێم و ناڤچەیێ ئاریشە ل سەر، ب مەبەستا بازرگانی و گەشتیاریێ سەردانا تورکیا دکەن.
هـ.ج