فۆتۆ:
2021-06-29
592 جار خوێندراوەتەوە
دەستەیا سەقاناسیا عێراقێ ڕاگەهاند، پێشبینیێ دکەین چارشەمبێ، پلەیێن گەرماتیێ ل بەغدایا پایتەخت و نەهـ پارێزگەهێن دی یێن عێراقێ بگەهیتە ٥٠ پلەیێن سیلیزی و ل دوو پارێزگەهان بهێنڤەدان بهێتە ڕاگەهاند.
سەقاناسیا عێراقێ ئاشکراکریە، لدەما دوو رۆژێن داهاتی دا پلەیێن گەرماتیێ دێ ب ئاوایەکێ بەرچاڤ داکەڤن و ل بەغدا پلا گەرمێ دێ گەهیتە ٥٠ پلەیێن سیلیزی، نڤیسینگەها ڕاگەهاندنا پارێزگەها دیالە ژی دڕاگەهاندنەکێ دا ئاماژە ب وێیەکێ کریە، بسەدەما بلندبوو پلەیێن گەرمێ ب بریارا موسەننا تەمیمی پارێزگارێ دیالە، دەواما سوبەهی چارشەمبی و دوسبە پێنج شەمبی کرینە بێهن ڤەدان.
هەڤدەم، نڤیسینگەها ڕاگەهاندنا پارێزگارێ دیوانیە د ڕاگەهاندنەکێ دا ئاماژە ب وێیەکێ کریە، بسەدەما بلندبوونا پلەیێن گەرمێ ب بڕیارا زوهێر عەلی شەعلان پارێزگارێ دیوانیە، بۆ هەمی رۆژێن پێنجشەمبی کریە بێهن ڤەدان.
بەحسا وێیەکێ ژی کریە، ب بڕیارا پارێزگارێ دیوانیە ل حەفتیا داهاتی بسەدەما بلندبوونا پلەیێن گەرمێ دەواما فەرمی ل دەمژمێر ٨ی سپێدێ هەیا ١٢:٣٠ خۆلەکێن پشتی نیڤرۆ دێ بیتە بێهنڤەدان.
بۆ دەما چەند رۆژانە پێلەکا گەرماتیێ بەرەڤ عێراقێ هاتیە و ل هندەک دەڤەران پلەیێن گەرمێ دگەهنە زێدەتری ٥٠ پلەیێن سیلیزی، سەقاناسی ژی هایداریێ ددەت وەلاتی ژ دەمژمێر ١١ی پشتی نیڤرۆ هەیا ٤ی ئێڤاری نەچنە ژ دەرڤە.
و.ح