فۆتۆ:
2021-06-29
148 جار خوێندراوەتەوە
ڕێڤەبەریا کارەبا پارێزگەها دیالە ڕاگەهاند، هەردوو هێلێن ڤەگوهاستنا کارەبا دیالە و سەرپێلا زەهاو ب سەدەمەک نەدیار ژ ئالیێ ئیرانێ ڤە هات قوتکرن.
ڕێڤەبەریا کارەبا پارێزگەها دیالە ڕاگەهاندنەک بەلاڤکر و تێدا ئاشکەراکریە، هەردوو هێلێن کارەبا دیالە- میرسادى یا ٤٠٠ کەی ڤى، کو وزێ بۆ قەزایێن بەعقوبا و بەلەد رۆز دێ دابین کەت و هێلا کارەبا سەرپێلا زەهاو یا ١٥٠ کەیڤى، کو وزێ بۆ قەزایێن خانەقین و میقدادیە دابین دکەت، ژ ئالیێ ئیرانێ ڤە هاتە پوتکرن.
دبێژیت ژى، برینا وزا کارەبا وان دوو هێلان چاڤەرێنەکریبوو و بسەدەمەکا نەدیار ئیرانێ ئەو هەردوو هێلە قوتکرن.
لگورى وێ ڕاگەهاندنێ، بڕینا کارەبێ بوویە سەدەم کو ل تەڤایا دیالە کارەبا قوت ببیت.
دبێژیت ژى، بسەدەما قوتکرنا وان هەردوو هێلان و بلندبوونا پلەیێن گەرمێ خاستا بکارئینانا کارەبێ لسەرانسەرى وەلاتى بوویە سەدەم کو بەردەوام کارەبا نیشتیمانى جار جار قوت ببیت.
ئەڤە د دەمەکى دایە، لگورى پێشبینیێن کەشناسیێن عێراقێ پلەیێن گەرمێ بەردەوام بلنددبن و دێ گەهەنە د سەر ٥٠ پلەیێن سیلیزى. ئەفە ژى بوویە سەدەم کو خاستەکا زۆر لسە ر بکارئینانا کارەبێ هەبیت.
د.ش