فۆتۆ:
2021-06-28
87 جار خوێندراوەتەوە
پەیڤدارێ فەرماندەیێ گشتیێ هێزێن چەکدارێن عێراقێ ڕاگەهاند، هێرشا ئەمریکا بۆ سەر حەشدا شەعبی لسەر سنورێ عیراق و سوریا شەرمزار دکەین.
لیوا یەحیا رەسول دهەژمارا خۆ یا تایبەتدا ل تۆرا جڤاکیا فەیسبووکی "هێرشا ئەمرکیا بۆ سەر خالەکا سنوریا حەشدا شەعبی لسەر سنورێ عێراقێ دگەل سوریا شەرمزار دکەت".
ڕاگەهاند ژی، "هێرش لدیڤ بەلگەنامەیا ناڤ دەولەتی، پێشیلکاریەکا روونە بۆ سەر سەروەری و ئاسایشا نشتیمانیا عێراقێ".
پەیڤدارێ فەرماندەیا گشتییا هێزێن چەکدارێن عێراقێ، لیوا یەحیا ڕەسول هەروەسا نڤێسایە، "عێراق ڕەتدکەت ببیتە گۆرەپانا ئێکلاکرنا حساباتان و رژدە لسەر پاراستنا سەروەریا ئاخا خۆ و ریگرتنێ ل بکارئینانا ئاخا وێ وەکی گۆرەپانەکێ بۆ دەستدرێژیکرنێ".
شەڤا دەربازبووی دهێرشەکا ئەسمانیا هێزێن ئەمریکی دا، هەژمارەکا خالێن کەتائیب سەید شوهەدا سەرب حەشدا شەعبی ڤە لسەر سنورێ عێراقێ دگەل سوریا کرنە ئارمانج و د ئەنجامدا چار چەکدارێن وی گرۆپی هاتنە کوشتن و سێیێن دی ژی برینداربوون.
و.ح