پلەیێن گەرمێ ل ڤێ دەڤەرا عێراقێ دێ گەهنە ٥٠ پلا

فۆتۆ: 

77 جار خوێندراوەتەوە

سەقاناسیا عێراقێ ڕاگەهاند، پلا گەرمێ بەردەوامە لسەر بلندبوونێ و ل رۆژێن داهاتی دێ ٥٠ پلێن سیلیزی دەربازکەتن، هەڤدەم، کۆمسیۆنا مافێن مرۆڤی ژی داخاز ل حکومەتا فیدڕال کر دەمێ دەواما فەرمانگەهێن حکومی کێمتربکەت.

سادق عەتیە سەقاناسێ عێراقێ ل تۆرا کۆمەلایەتیا فەیسبووکی بەلاڤکریە، بدرێژیا ڤێ حەفتیێ پلەیێن گەرمێ دبلندبوونێ دانە ب ڕەنگەکێ پلا کەلاندنێ دێ دەربازکەتن کو زێدەتری ٥٠ پلیێن سیلیزی یە و تایبەتی ل دەڤەرێن باشورێ عێراقێ.

عەتیە ئاماژە ب وێیەکێ ژی کر، لگۆرەی وان وێنەیێن کو ژ هەیڤا دەستچێکری گرتنە، دیاردکەن، پارچە عەورەکێ زێدە بسەر ئاسمانێ باژارێن بەسرە و میسان و زیقار و چەند دەڤەرێن دی ل باشورێ عێراقێ دێ بەلاڤ بیتن، بایەکێ گەلەک گەرم و شێدار لدیڤ خۆ ئینایە.

گوت ژێ، "ئەڤ پێلا گەرمێ ژ ئێڤارا پێنج شەمبیا داهاتی دێ بەرەڤ زێدەبوونێ چیت و ل رۆژێن ئەینیێ دا دێ ب داوی هێت".

هەڤدەم، کۆمسیۆنا مافێن مرۆڤی ل عێراقێ، بسەدەما بلندبوونا پلەیێن گەرمێ داخازێ ل حکومەتا فیدڕال کریە دەما دەوامکرنا فەرمانگەهێن حکومی کێمبکەت.

هەڤدەم، داخاز ژی بۆ سەلامەتیا وەلاتیان ڤەگەراند، دنهادا ئەڤ کارە پێتڤیەکا گرنگە بۆ سەلامەتیا ژیانا وەلاتیان.

لگۆرەی ئامارێن سەقاناسیا هەرێمێ ژی، بلنترین پلا گەرمێ یا هاتیە تۆمارکرن رۆژا ئێکشەمبی ل خانەقین بوویە کو ٥٠ پلەیێن سیلیزی بوویە، نزمترین ژی ل حاجی ئۆمەران بوویە و ٣٣ پلە بوویە.

و.ح