فۆتۆ:
2021-06-27
357 جار خوێندراوەتەوە
دەستەیا سەقاناسیا عێراقێ ڕاگەهاند، پێشبینی دهێتەکرن ل رۆژا چارشەمبیا ڤێ حەفتیێ پێلەکا نوییا خۆلبارینێ ناڤەراست و باشورێ وەلاتی بگریت و پلەیێن گەرمێ ٥٠پلەیێن سیلیزی دەربازبکەت. دبێژیت ژی، "هەرێم بسەدەما وێیەکێ دەڤەرەکا چیای یە و داروبار گەلەک لێ هەنە پلەیێن گەرمێ ناهێنە گوهۆرین و خۆلبارینێ کارتێکرنا خۆ نابیت".
ئەڤرۆ ئێکشەمبێ، عامر جابر رێڤەبەرێ گشتیێ ڕاگەهاندنا دەستەیا سەقاناسیا عێراقێ بۆ ئاژانسا نووچەیێن وەلاتی ڕاگەهاند، ژ ئەنجامێ نزمبوونا بەرچاڤ یا پەستانا وەرزی کو ل هندستانێ دەستپێدکەت ل رۆژێن داهاتی دا پلەیێن گەرمێ دێ بلندبن.
بەحسا وێیەکێ ژی کر، بهەڤبەر مەها حوزەیرانا سالا دەربازبووی، بسەدەما بلندبوونا پێلێن هەوایێ سار کو ل دەریایا ناڤەراست بلندبوویە کاریگەری ل سەقای کریە و ل رۆژێن دەربازبووی پلەیێن گەرمێ نزمبوونە.
عامر جابر ئاماژە ب وێیەکێ ژی کر، ل رۆژێن داویا مەها حوزەیرانێ دا پلەیێن گەرمێ دێ بلندبن، دبێژیت ژی، ل پارێزگەهێن باشور پلەیێن گەرمێ دێ گەهنە ٥٠ پلەیێن سیلیزی، ل دەڤەرێن هەرێمی ژی پلەیێن گەرمێ دێ بلندبن.
رێڤەبەرێ گشتیێ ڕاگەهاندنا دەستەیا سەقاناسیا عێراقێ گوت ی، پێشبینی دهێتەکرن ئەڤێ حەفتیێ لەزاتیا بای بگەهیتە ٣٠ بۆ ٤٠ کێلۆمەتران د دەمژمێرەکێ دا ل دەڤەرێن ناڤەڕاست و باشور، ئەڤەژی دبیتە سەدەمێ وێیەکێ ئاستێ خۆلبارینێ بلندببیت، لێ لهەرێمێ بسەدەما بەرەڤانیا رووکەکی خۆلبارین ناگیرت.
و.ح