فۆتۆ:
2021-06-27
255 جار خوێندراوەتەوە
ئەندامەکێ کۆمسیۆنا مافێن مرۆڤى ل عێراقێ بۆئێن ئاڕ تى ڕاگەهاند، زێدەتر ژ دوو ملیۆن و ٥٠٠ هزار دەنگدەر نەشێن شکداربن د پرۆسەیا هەلبژارتنێن پێشوەختێن پەرلەمانێ عێراقێ دا.
فازل غەراوى ئەندامێ کۆمسیۆنا بلندا مافێن مرۆڤى ل عێراقێ بۆ میدیایێن عێراقى ڕاگەهاند، ئەو کەسێن کو مافێ دەنگدانێ هەیی و دژیێن ٢٠٠١ و ٢٠٠٢ و ٢٠٠٣ێ دان، لێ بسەدەما کو ناڤێ وان د لیستا دەنگدانێ دا نینە و هەیا نها ژى فۆرما بایۆمەترى وەرنەگرتیە و ژبەر وێیەکێ نەشێن دەنگى بدەن.
فازل غەراوى داخاز ژ حکومەتا فیدرال کر، رێکارێن بلەز ب بینیت بۆ ڤێ مەرەمێ و ب زویتین دەم فۆرما بایۆمەترى بدەتێ ژبەرکو ئەڤە مافەکێ دەستوریێ دەنگدەریە.
وى ئەندامێ کۆمسیۆنا بلندا مافێن مرۆڤى یێ عێراقێ دا بەحسا وێیەکێ کر، دەنگدان مافەکێ دەستورییە و دڤێت حکومەتا عێراقێ پارێزگاریێ لێ بکەت و تەفایا رێکاران بۆ ساناهى بکەت.
بڕیارە ل ١٠ێ مەها تشرینا ئێکێ یا ئەڤسالە، هەلبژارتنێن پێشوەخت ل تەڤایا عێراقێ بڕێڤەبچیت و تێدا ئێکەم جارە د مێژووا عێراقێ دا جڤاتا گشتى یا نەتەوێن هەڤگرتى سەرپەرشتى و چاڤدێریا هەلبژارتنێن عێراقێ بکەت
د.ش