فۆتۆ:
2021-06-26
401 جار خوێندراوەتەوە
دنڤێسارەکێ دا کۆمسیۆنا بلندا سەربەخۆیا هەلبژارتنێن عێراقێ داخازا ناڤێ هەموو ماموستایێن زانینگەهێن عێراق و هەرێما کوردستانێ ل وەزارەتا خاندنا بلندا عێراقێ کریە، بۆ وێیەکێ دهەلبژارتنێن بەروەختدا ئەرکێ چاڤدێریکرنا هەلبژارتنان بگێرن.
لگۆرەی نڤێسارەکا کۆمسیۆنا بلندا سەربەخۆیا هەلبژارتنان، دنڤێسارەکێ دا داخازێ ل وەزارەتا خۆاندنا بلند کریە بۆ وێیەکێ لیستا ناڤێ ماموستایێ زانینگەهین عێراقێ و هەرێما کوردستانێ بۆ بشینیت، بمەرەما دامەزراندنا وان وەکی رێڤەبەرێن بنگەهـ و ویستگەهێن دەنگدانێ.
دهەلبژارتنێن گشتی یێن ئەڤسالە یێن عێراقێدا، بۆ ئێکەم جار جڤاتا گشتییا نەتەوەیێن هەڤگرتی تیمێن چاڤدێری و سەرپەرشتیکرنێ ب مەرەما چاڤدێریکرنا هەلبژارتنێن عێراقێ بۆ عێراقێ دشینیت.
بڕیارە ل رۆژا ١٠ی تشرینا دووێ یا ئەڤ سالە هەلبژارتنێن بەروەختێن عێراقێ برێڤەبچن و تێدا هەژمارا بەربژێرێن هەلبژارتنێن بەروەخت گەهشتیە ٨٤٧ کەس و ١٢٢ ئالی ژی هاتنە تومارکرن کو دڤێن بەژداریێ دهەلبژارتنێن داهاتیێن پەرلەمانی دا بکەن.
و.ح
