فۆتۆ:
2021-06-25
261 جار خوێندراوەتەوە
نووچەگەهانێ ئێن ئاڕ تی ل کەرکوکێ ئاماژە ب وێیەکێ کر، دئەنجامێ هێرشەکا چەکداریدایا نەناسکریدا لدەڤەرا غێدە بۆ سەر بارگەهێ پۆلیسێن قەزا داقوق ل باشورێ کەرکوکێ پێنج پۆلیس هاتن کوشتن.
ئەڤرۆ ئەینی، سوران محەمەد نووچەگەهانێ ئێن ئاڕ تی ڕاگەهاند، درەنگیا شەڤا دەربازبووی ل دەڤەرا غێدە ل قەزا داقوق چەند چەکدارێن نەناسکری کو هێزێن عێراقێ ب چەکدارێن داعش بناڤکرن هێرشی سەر لیوایا بیست یا پۆلیسێن فیدڕالی کرنە.
ل گۆرەی زانیاریێن نووچەگەهانێ ئین ئاڕ تی، دەستپێکێ تەقەیێ بتنێ دناڤبەرا پۆلیس و ئەوان چەکداراندا روویدا و پۆلیسان شیایە کامیرا چاڤدێریا چەکدارێن وی گرۆپی بشکینیت.
ئاماژە ب وێیەکێ ژی کر، پشتر سوپایێ عێراقێ دەست ب تۆپبارانکرنێ کریە و د ئەنجامدا چەکداران هێرشکریە سەر پۆلیسان و ب وێ سەدەمێ پێنج ئەندامێن هێزێن فیدڕالی هاتنە کوشتن.
ل سالا ٢٠١٤ێ گرۆپێن چەکدارێن "دەولەتا ئیسلامی ل عێراق و سوریا" دەرکەتن و شیان دەست بسەر رووبەرەکێ بەرفرەهێ ئاخا عێراق و سوریادا بگرن، ئەمریکا و هەڤپەیمانێن خۆ بۆ رووبرووبونا وی گرۆپی هەڤپەیمانیەکا ناڤدەولەتی دژی داعش پێکئینان و ل سالا ٢٠١٩ێ حکومەتا عێراقێ تێکشکاندنا وی گرۆپی ل عێراقێ ڕاگەهاند.
و.ح