فۆتۆ:
2021-06-24
796 جار خوێندراوەتەوە
مستەفا کازمی سەرۆکوەزیرێن عێراقی دچاڤپێکەفتنەکا تەلەفزیۆنی دا ڕاگەهاند، "بزاڤەک هەیە بۆ وێیەکێ ٢٠٠ ملیار دینارێن مەهانە بۆ هەرێما کوردستانێ نەهێنە شاندن".
مستەفا کازمی سەرۆکوەزیرێن عێراقێ دچاڤپێکەفتنەکا تەلەفزیونی دا ڕاگەهاند، "ئەو کۆژمێ پارەی (٢٠٠ ملیار) بۆ هەرێما کوردستانێ دێ هێنە شاندن، سولفەیە نەکو بودجە و مەرەم ژێ ئەوە هەرێما کوردستانێ بشێت مووچەیێ فەرمانبەران بدەت، لێ بزاڤەک هەیە ئەو پارەیە نەهێتە شاندن".
مستەفا کازمی ڕاگرتنا شاندنا پارەی ژ ئالیێ هندەک ئالیان ڤە ب (بانگەشەیا هەلبژارتنان) بناڤکر و دبێژیت، بۆ ڕاکێشانا جادا عێراقێ یە، گوتیە ژی، "نابیت فەرمانبەرێن هەرێما کوردستانێ بێ مووچە بین، دگەل وێیەکێ ژی ئەو نە بودجەیە، بەلکو پیشینەیە و دێ ژ پشکا هەرێمێ هێتە بڕین لگۆرەی سەرژمێریاریێن دیوانا چاڤدێریا داراییا هەردوو ئالیان".
کازمی بەحسا وێیەکێ ژی کر، "گەلێ کورد گەلێ مەیە، مە پشکا هەرێمێ خەرج نەکریە، بەلکو ئەوا دشینن پێشینیە بۆ پارڤەکرنا مووچەیێ فەرمانبەران".
جڤاتا وەزیرێن عێراقێ ١٥ی ڤێ مەهێ بڕیاردا، کۆژمێ ترلیۆنەک و ٢٠٠ ملیار دیناران وەکی پشکا شەش مەهێن دەربازبووی یێن هەریمێ بشینن، دگەل شاندنا ٢٠٠ ملیارێن مەهانە، لێ هێشتا چ کۆژمێن پارەی بۆ هەرێمێ نەهاتنە شاندن.
و.ح