فۆتۆ:
2021-06-23
196 جار خوێندراوەتەوە
کۆمسیۆنا بلندا سەربەخۆیا هەلبژارتنێن عێراقێ ڕاگەهاند، پێشبینیێ دکەن هەژمارا وان بەربژێرێن کو خواست هەنە دهەلبژارتنێن بەروەختێن جڤاتا نوینەرێن عێراقێ دا خۆ ڤەکێشن بگەهیتە ١٠٠ بەربژێران.
ئەڤرۆ چارشەمبێ، حەسەن سەلمان رێڤەبەرێ ڕاگەهاندن و پەیوەندیان د کۆمسیۆنا بلندا سەربەخۆیا هەلبژارتناندا بۆ میدیایێن عێراقێ بەحسا وێیەکێ کریە، هەر کاندیدەکێ دەربارەی ڤەکشیانێ دهەلبژارتنێن بەروەختێن جڤاتا نوینەرێن عێراقێ دا پێشکێش بکەتن، ئەو دووبارە نەشێت خۆ بەربژێر بکەت و دبێژیت ژی، "پێشبینیێ دکەین هەژمارا وان بەربژێران ئەوێن کو خۆاستا خۆ ڤەکشیانێ هەیە بگەهیتە ١٠٠ بەربژێران".
رێڤەبەرێ ڕاگەهاندن و پەیوەندیان د کۆمسیۆنا سەربەخۆیا هەلبژارتاندا ئاماژە ب وێیەکێ ژی کریە، کۆمسیۆنا هەلبژارتنان، چ پەیوەندی ب سەدەمێن خۆڤەکێشانا بەربژێران ڤە نینە، ئەگەر خۆڤەکێشان ب بڕیارا بەربژێری بخۆ نەبیت یان ژی لژێر فشارێ بیت، هەر بەربژێرەکێ کو خۆاست هەبیت خۆ ژ هەلبژارتنێن بەروەختێن عێراقێ ڤەکێشیت دێ ب رازیبوونا وی بخۆ بیت.
بەریا نها ژی، کۆمسیۆنا بلندا هەلبژارتنێن سەربەخۆ یێن عێراقێ ئاشکرا کربوو، هەژمارا وان کەسێن خۆ بەربژێرکرین گەهشتیە سێ هزار و ٥٢٣ کەسان.
بڕیارە رۆژا ١٠ی تشرینا ئێکێ یا ئەڤ سالە، هەلبژارتنێن بەروەختێن جڤاتا نوینەرێن عێراقێ ببهێنە ئەنجامدان و تێدا ٢٤ ملیۆن و ١٣٩ هزار و ٣٧٥ دەندەران مافێ بەژداریکرنێ د پرۆسێ دا هەیە.
و.ح