فۆتۆ:
2021-06-21
308 جار خوێندراوەتەوە
کۆمسیۆنا بلندا سەربخۆیا هەلبژارتنێن عێراقێ رێنمایێن بانگەشەیێ بۆ هەلبژارتنێن پەرلەمانێ عێراقێ ڕاگەهاندن و دبێژیت، بکارئینانا فەرمانگەهێن حکومی و جهێن ئاینی بۆ بانگەشەیا هەلبژارتنان قەدەغەنە.
جومانە غەلای پەیڤدارێ کۆمسیۆنا بلندا سەربەخۆیا هەلبژارتنان ئاماژە ب وێیەکێ کریە، جڤاتا کۆمیسارا سیستەمێ ئەنجامدانا بانگەشەیا هەلبژارتنان پەسەندکریە، ل گورەی رێنمایێن کۆمسیۆنێ:
-لدەمێ بانگەشەیا هەلبژارتنان رێک ناهێتە دان کاندید و پارتێن سیاسی و هەڤپەیمانی زانیاریێن خەلەت و سەختە یان ژی رەنگێن ناڤزراندنێ دژی بەربژێرێن دی بکاربینن.
-رێک ناهێتە دان کار لسەر کەرب و کین و توندوتیژی و ناکوکی و تائیفی و دینی د بانگەشەیا هەلبژارتناندا بهێتە کرن.
-نابیت پوستەر و بەرنامەیێ هەلبژارتنان و ب دوویریا کێمتر ژ سەد مەتران ژ ناڤەندێن دەنگدانێ بهێنە هەلاویستن.
-بکارئینانا سیکوتینی بۆ هەلاویستنا وێنەیێن بەربژێران و پوستەرێن بانگەشەیێ و نڤیسین لسەر دیواران قەدەغەیە.
ئەوژی دیارکریە، دەربارەی چەوانیا ئەنجامدانا بانگەشەیێ و جهێن بانگەشەکرنێ کو بانگەشە تێدا قەدەغەیە، دێ دگەل باژێرفانیان هەماهەنگیێ کەن.
بڕیارە د ١٠ی تشرینا ئێکێ یا ئەڤسالە دا هەلبژارتنێن پەرلەمانێ عێراقێ بڕێڤەبچن، کو د ٣١ ئادارا ئەڤ سالە دا پەرلەمانێ عێراقێ بڕیاردا سێ رۆژان بەری هەلبژارتنان خۆ ب هەلوەشینیت.
هـ.ئـ