فۆتۆ:
2021-06-19
89 جار خوێندراوەتەوە
ل قەزا داقوق سەر ب پارێزگەها کەرکوکێ ڤە چەکدارێن داعش هێرشکریە سەر ئارتێشا عێراقێ و هەیا نها زیانێ گیانى نەهاتینە ڕاگەهاندن.
نووچەگەهانێ ئێن ئاڕ تى دیارکر، چەکدارێن داعش هێرش کریە سەر خالەکا سەربازیا ٤٥ێ یا سەر ب ئارتێشا عێراقێ ڤە ل قەزا داقوق یا سەر ب پارێزگەها کەرکوکێ ڤە و ب وێ سەدەمێ ترۆمبێلەکا سەربازێن عێراقێ هاتە تێکشکاندن، لێ هەیا نها زیانێن گیانى نەهاتینە ئاشکەراکرن.
بەحسا وێیەکێ ژى کر، هەر د وێ هێرشێ دا و د دەما گەهشتنا کاروانەکێ پشتەڤانیێ یێن ئارتێشا عێراقێ بۆ وێ دەڤەرێ، بۆمبەکا چاندى ب ترۆمبێلەکا ئارتێشا عێراقێ تەقى، بێى کو زیانێن گیانى بهێنە ئاشکەراکرن.
ل ١٢ێ مەهێ ژى، ل سنورێ ناحیا ریاز یا سەر ب پارێزگەها کەرکوکێ داعشێ هێرشکریە سەر پۆلیسێن فیدڕال و ب وێ سەدەمێ ئەفسەرەکێ پۆلیسان هاتە کوشتن.
رۆژا ٧ێ ڤێ مەهێ ژى، چەکدارێن داعش ل گوندێ شەقیق سنورێ قەزا خانەقین هێرشکریە سە حەشدا شەعبى و د وێ هێرشێ دا دوو چەکدارێن حەشدا شەعبى هاتن کوشتن و چەند چەکدارێن دى ژى برینداربوون.
ل ١١ێ مەها دەربازبووى، د هێرشەکا داعش دا ل سنورێ کفرى داعشێ هێرشکر و د وی شەڕى دا پێشمەرگەیەک پشتى کو برینداربووى، ژیانا خۆ ژدەست دا.
د.ش