فۆتۆ:
2021-06-19
2474 جار خوێندراوەتەوە
رێکخراوا خارانێ یا جیهانى ڕاگەهاند، پلان هەیە د دەما ئەڤسالەدا دێ هاریکاریا نێزیکى ٨٥٠ هزار وەلاتیان کەن ل تەڤایا عێراق و هەرێما کوردستانێ، دبێژیت ژى، مەهانە دێ چار ملیۆن دۆلاران دەنە وان خێزانێن پێدڤی ب هاریکاریێ هەیی.
عەبدولڕەحمان میجام نوینەرێ رێکخراوا خارنێ یا جیهانى یا سەر ب نەتەوەیێن هەڤگرتى ڤە ڕاگەهاند، "بەلاڤبوونا ڤایرۆسا کۆرۆنایێ د دەما ڤان دوو سالان دا کارەکێ دل تەزین و جهێ نەخۆشیێ بوو و بوویە سەدەم چەندین خێزانانان پێدڤى ب هاریکاریێ بیت د ڤى دەمى دا".
لگورەى گوتنا نوینەرێ رێکخراوا خارنێ یا جیهانى، "بەلاڤبوونا کۆرۆنایێ د عێراقێ دا ڕێژا هەژاریێ بلندکرییە، ب ئاوایەکى د نها دا گەهشتیە ٣١.٧%".
عەبدولڕەحمان میجاج ئاماژە ب وێیەکێ کر، ب گشتى نێزیکى چار ملیۆن دۆلار ژ ئالیێ رێکخراوا خارنێ یا جیهانى ڤە مەهانە دێ هێنەدان بۆ وان خێزانێن هەژارێن کو پێدڤى ب هاریکاریێ هەیی.
بەحسا وێیەکێ ژى کر، ژ بەشەکا دى یا وان هاریکاریان دێ وەکى سەلکێن خارنێ هێنە پارڤەکرن ژبلى هاریکاریێ، ئاوارە و پەنابەران ب کۆژمە پارەکێ بۆ وان کو بشێن ژیانا خۆ یا ئاسایی پێ برێڤەببەن.
د نها دا پشتى وێیەکێ کو دوو سال ب سەر بەلاڤبوونا ڤایرۆسا کۆرۆنایێ دەربازبووین، هەیا نها باندوور ل سەر ژیانا وەلاتێن هەرێما کوردستانێ هەیە، سەدەما سەرەکى ژى ئەوە بەروڤاژى حکومەتێن وەلاتێن جیهانێ کو ژبلى موچەیێ خۆ پارەیێ زێدە ب سەر وەلاتیێن خۆدا پارڤەدکر، حکومەتا هەرێمێ موچە ب لێبرین پارڤەکریە و بهایێ شمەک و کەلوپەلان ب ئاوایەکێ بەرچاڤ بلندبوویە و چ پلان ژى بۆ داکەتنا بهایان دیار نەکرینە.
د.ش