فۆتۆ:
2021-06-19
106 جار خوێندراوەتەوە
شارەزایەکێ یاسایی یێ عێراقێ ڕاگەهاند، هەلبژارتنێن ئەڤجارە یێن عێراقێ دێ د جوداتر بن و د دەمێ خۆدا دێ هێنە ئەنجامدان، ژبەرکو نەتەوەیێن هەڤگرتی و جڤاتا ئاسایشێ دێ چاڤدێریا پرۆسێ کەن.
تارق حەرب شەهرەزایێ یاسایا دەستوری د پانۆراما یا ئێن ئاڕ تی دا ئاماژە ب وێیەکێ ژی کر، د هەلبژارتنێن بهێت یێن عێراقێ دا بۆ ئێکەمجار نەتەوێن هەڤگرتی تەکەزێ ل رەخساندن و دروستکرنا لژنەیەکا تایبەت بۆ چاڤدێری و سەرپەرشتیکرنا کریاری یا پرۆسەیا هەلبژارتنان.
ددەمێ دەربازبوویدا، جڤاتا ئاسایشا ناڤدەولەتی د جڤینەکێ دا ب کوما دەنگان بڕیار دا ب چاڤدێریکرنا پرۆسەیا هەلبژارتنێن بەروەخت یێن پەرلەمانێ عێراقێ ب خۆڤە بگریت کو بڕیارە ل ١٠ی تشرینا ئێکێ بهێنە ئەنجامدان و بڕیارە ژی ب درێژکرنا کارێ نەتەوێن هەڤگرتی ل عێراقێ تا ٢٧ی ئایارا سالا بهێت.
جڤاتا ئاسایشێ ئەوژی دیارکریە، کو تەکەز لسەر وێیەکێ دکەن، پێتڤیە هەڤکاریێن یۆنامی بۆ رێکخستنا هەلبژارتنان بهێنە بکارئینان بۆ هندێ بچیتە د کڤانێ رێزگرتنێ ل سەروەریا ئاخا عێراقێ دا.
بڕیارە ل ١٠ی تشرینا ئێکێ یا ئەفسالە دا، هەلبژارتنێن بەروەختێن پەرلەمانێ عێراقێ بڕێڤە بچن.
هـ.ئـ