فۆتۆ:
2021-06-19
1815 جار خوێندراوەتەوە
وەزارەتا دەرڤەیا عێراقێ ئازادکرنا جەمال مستەفا زاڤایێ سەدام حسێنی ڕاگەهاند، کو بۆ دەما ١٨ سالان بوو دزیندانێ دا.
لگۆرەی بەلگەنامەیەکا وەزارەتا دادا عێراقێ، دادگەها تاوانێن ناڤەندی، بڕیار لسەر هەلوەشاندنا ئەوان تۆهمەتێن کو ئاراستەی جەمال مستەفا کری و هەروەسا ئازادکرنا ناڤبری، ئەگەر لسەر دوسێین دی نەیێ داخازکری بیت.
ئاماژە ب وێیەکێ ژی کر، بسەدەما نەبوونا بەلگەیێن پێتڤی، ئەو تۆهمەتێن کۆ ئاراستەی جەمال مستەفای کرین، هەلوەشاندن و ئازادکرن.
جەمال مستەفا ژیێ وی ٦٦ سالە و لسەر دەمێ رژیما بەرێیا عێراقێ دا، ئەفسەر بوو دناڤا سوپای دا ب پلا موقەدم و هەڤژینێ حەلایا کچا بچیک یا سەدام حسێنی بوو.
جەمال مستەفا ل سالا ٢٠٠٣ێ دگەل ٥١ کەسێن دی ب تۆهمەتا ئەنجامدانا تاوانان دژی مرۆڤایەتیێ ژ ئالیێ ئەمریکا ڤە کربوونە دناڤا لیستا داخازکریا دا.
ل ٢٠ی نیسانا ٢٠٠٣ێ و پشتی ١١ رۆژان ژ نەمانا رژێما سەدام حسێنی، جەمال مستەفا ژ ئالیێ هێزێن ئەمریکی ڤە هاتبوو دەستەسەرکرن.
و.ح