فۆتۆ:
2021-06-19
1099 جار خوێندراوەتەوە
ئەندامەکێ جڤاتا نوینەرێن عێراقێ ڕاگەهاند، بسەدەما وێ یەکێ د دەما دەربازبوویدا بهایێ پەترۆلێ بلندبوویە بۆ نێزیکی ٧٥ دۆلاران بۆ هەر بەرمیلەکێ، واتا کۆژمەکێ زێدەتر یێ دۆلاری دێ هێتە دناڤا عێراقێ دا و ئەڤەژی سەدەمە بۆ داکەتنا بهایێ دۆلاری لهەمبەر دینارێ عێراقی.
ئەحمەد حاجی رەشید ئەندامێ لژنا دارایی ل پەرلەمانێ عێراقێ بۆ میدیایێن عێراقی ڕاگەهاند، کۆنترۆلکرنا نەختینەیا ناڤخۆی و زێدەکرنا رێژا ئارامیێ بۆ بازارێ دراڤان ل عێراقێ ڤەدگەریتە ڤە و ئەو ژی وەدکەتن ل داهاتیەکێ نێزیکدا کو ئەو جیاوازیە دبهایێ دۆلاریدا دروستدبوویە نەمینیت و جهگیرببیت لسەر بنەمایێ وی بهایێ کو حکومەتا هەرێمێ دانایە، داخاز ل بەنکا ناڤەندیا عێراقێ کریە، دناڤا بازاریێن ناڤخۆی دا دۆلاری زێدەبکەتن و بەنکان نەچار بکەت هەیا بهایێ دیناری گەشدبیت و بهایێ دۆلاری دادکەڤیت.
د دەما دەربازبوویدا بهایێ ١٠٠ دۆلارێن ئەمریکی بۆ زێدەتری ١٥٠ هزار دیناران بلندبوویە و دنهادا بها داکەتیە و بهایێ ١٠٠ دۆلاران بۆ ١٤٨ هزار و ٩٥٠ دیناران بازار پێ دهێتە کرن، ل چەند مەهێن دەربازبوویدا بەنکا ناڤەندیا عێراقێ بهایێ دیناری لهەمبەر دۆلارێ ئەمریکی نزمکر و ب ١٤٥ هزار دیناران ل بەنکاندا جێگرکر، هەڤدەم، ل ٣١ی ئازارا ئەڤ سالە ژی دا، پەرلەمانێ عێراقێ د پرۆژەیاسایا بودجەیدا بهایێ ١٠٠ دۆلاران لهەمبەر ١٤٥ هزار دیناران جێگرکریە وو پرۆژە ژی پەسەندکریە.
و.ح