فۆتۆ:
2021-06-17
95 جار خوێندراوەتەوە
سەرۆک وەزیرێن عێراقێ ڕاگەهاند، دێ عێراقەکا برایەتیێ ئاڤاکەین و د هەر مالەکێ دا دێ گۆهداریا خەلکێ کەین.
مستەفا کازمى سەرۆک وەزیرێن عێراقێ د تویتەکێ دا دیارکر، "دوهى ل سەلاحەدین بووین، ژبەریا نها ل ناسریە، بەسرا، موسەنا، هەولێر، واست، دیالە، کەربەلا، سلێمانى و موسل، د هەر مالەکا نیشتیمانى دا دێ گۆهداریا خەلکێ کەین".
ئاماژە ب وێیەکێ ژى کر، "دێ عێراقەکا برایەتى و نیشتیمانپەروەرى ئاڤاکەین نە یا دەرفەت خاز، کو بازرگانى ب تائیفگەرى و رەگەزپەرستیێ دکەن".
رۆژا ١٢ێ ڤێ مەهێ، د دەمەکى دا مستەفا کازمى مژویلى ڤەکرنا پرۆژەکێ بوو ل پارێزگەها زیقار، هژمارەک ژ وەلاتیان خۆنیشاندان ئەنجامدا و هێرشکرنە سەر کاروانێ ترۆمبێلێن کازمى.
سالەک ب سەر هاتنا مستەفا کازمى وەک سەرۆک وەزیرێن عێراقێ دا دەربازدبیت و د دەما ڤێ سالێ دا ل جەم هندەکان وەسایە کو ل ئاستێ داخازیێن جاددەیێ بوو، ل هەمبەر دا بووچوونەکا دى هەیە کو نەشیایە داخازیێن خەلکێ جێبەجێبکەت.
د.ش