فۆتۆ:
2021-06-17
2288 جار خوێندراوەتەوە
بانکا ڕافیدەین یا سەر ب حکومەتا فیدڕالی ڤە ل بەغدا ڕاگەهاند، دێ پێشینەیا قەرزێ کڕینا ترۆمبێلێ دەتە فەرمانبەرێن بەغدا و تەڤایا پارێزگەهێن دی ب مەرجەکی مووچەیێن وان سەر ب بانکا وانڤە بیت.
نڤیسنگەها بانکا ڕافیدەین دیارکر، دێ وێ پێشینەیێ دەنە وان فەرمانبەرێن کو مووچەیێ وان ل بانکا ڕافیدەینە و برێکا کی کارتێ دێ وەرگرن، پێتڤیە ژی ئەو فەرمانبەرە پشتەڤانیا فەرمانگەهێ بینیت ب مەرەما سەلماندنا وی کاری.
بەحسا وێیەکێ ژی کر، وەلاتی و خانەنشین کو مووچەیێ وان نە ب سەر بانکا ڕافیدەین ڤەیە، بۆ وەرگرتنا وێ پێشینەیێ دڤێت کەفیلەکی کو مووچەیەکێ بەردەوام یێ حکومەتێ هەبیت، بینیت.
ئەڤە د دەمەکی دایە، ل دەستپێکا سەرهلدانا قەیرانا دارایی ل هەرێما کوردستانێ، حکومەتا هەرێمێ ب هێجەتا داکەتنا بهایێ دۆلاری و نە هنارتنا پشکا هەرێمێ ژ ئالیێ حکومەتا فیدڕالی ڤە و د چارچوڤێ پلانا کێمکرنا مەزاختیان و زێدەکرنا داهاتێ تەڤایا پێشینەیێن هەڤژینیێ و خانوبەران و قەرزێن راگرتی و د نهادا و ل دەمێ بلندبوونا بهایێ پەتڕۆلێ چ پلان و بەرنامەیەک نە ڕاگەهاندیە تێدا دەستپێکرنا پێشینەیان ئاشکەرا بکەت.
م.م