فۆتۆ:
2021-06-16
584 جار خوێندراوەتەوە
پارێزگارێ بانکا ناڤەندیا عێراقێ، سەرەدانا هژمارەکا بانکان کر و ڕاگەهاند، کۆژمێ ٨٥٠ ملیار دایە بانکێن تایبەت ژبۆ کۆ ٧ هزار و ٥٠٠ پرۆژان پێ جێبەجێبکەن.
مستەفا غالب پارێزگارێ بانکا ناڤەندیا عێراقێ ڕاگەهاند، بانکا ناڤەندى دەستپێشخەری کریە بۆ دانا قەران ب وەلاتیان، ب ئاوایەکى کو دێ زۆرترن وەلاتى لێ مفاداربن.
مستەفا غالب ئاماژە ب وێیەکێ کر، د ئێکەم پێنگاڤ ژى دا کۆژمێ ٨٥٠ ملیار دینار دانە بانکێن تایبەت ژبۆ کۆ ٧ هزار و ٥٠٠ پرۆژە د بیاڤێن ئاکنجیبوون و پیشەسازى و خزمەتگوزارى پێ بهێتە جێبەجێکرن.
بانکا ناڤەندیا عێراقێ د مەها ئادارا ئەڤسالە دا ڕاگەهاند، یەدەکێ دراڤێ بیانى گەهشتیە ٥٦ ملیار دۆلارێن ئەمریکى و یەدەکێ زێڕی ژى پێنج ملیار و ٧٠٣ ملیۆن دۆلار دەربازکریە.
ل داویا سالا دەربازبووى، بانکا ناڤەندى یا عێراقێ بڕیار دا بهایێ دۆلارى ل هەمبەر دینارى بلند بکەت، ب ئاوایەکى بهایێ ١٠٠ دۆلار ل هەمبەر ١٤٥ هزار دینارێن عێراقى بۆ وەلاتیان دیاریکر، ئەو ژى بۆ یە سەدەما نە جێگیریا بازارى.
بلندکرنا بهایێ دۆلارى بەرامبەرى دینارى بەشەکە ژ وان رێکارێن حکومەتا عێراقێ ب نیازە ل سالا ٢٠٢١ێ بگریتە بەر ژ پێخەمەت کێمکرنا ئاستێ کورتئینانا بودجەی.
ئاژانسا نووچەیێن عێراق ژ زارێ مستەفا موخیف پارێزگارێ بانکا ناڤەندى یا وى وەلاتى بەلاڤکریە، "وەزارەتا دارایی ب فەرمى داخاز ژ مە کریە بهایێ ئێک دۆلار ب هزار و ٤٥٠ دینارێن عێراقى بلند بکەین"، ڕاگەهاند ژى، "یەدەکێ دراڤ عێراقێ هەیا نها ژى باشە".
د.ش