فۆتۆ:
2021-06-16
142 جار خوێندراوەتەوە
شانەیا ئەولەهیا عێراقێ ڕاگەهاند، ل بەغدا دوو بالەفڕێن بێ بالەفڕڤان ئێخستنە خارێ، کو ئێک ژوان ماددێ تەقاندنێ هەلگرتبوو.
ئەڤرۆ چارشەمبی، شانەیا ئەولەهیا عێراقێ د ڕاگەهاندنەکێ دا ئاماژە ب وێیەکێ کر، ل باژێرێ بەغدایێ پایتەختێ عێراقێ بالەفڕەکا بێ بالەفڕڤان ل نێزیکی بنگەهێ رەشید ئێخستە خارێ کو ماددێ تەقاندنێ هەلگرتبوو.
دیارکر ژی، پشتی وێیەکێ ل دەڤەرا کەرتان ل باشورێ بەغدا دووەم بالەفڕا بێ بالەفڕڤان ئێخستە خارێ.
ل ٩ی ڤێ مەهێ، بالەفڕەکا بێ بالەفڕڤان هێرشکرە سەر بالەفڕخانەیا ناڤدەولەتی یا بەغدا کو بنگەهەکێ هێزێن ئەمریکا تێدا هاتیە جێگیرکرن.
د دەستپێکا ئەڤسالەدا ژی، هەیا نها ٣٩ هێرشێن موشەکی هاتینەکرن بۆ سەر بنگەهێن سەربازی و کاروانێن هێزێن ئەمریکا و هەڤپەیمانێن ناڤدەولەتی لدژی داعش ل عێراقێ و بنگەهـ و بارگەهێن دیبلۆماتی.
بەردەوام ئەمریکا لسەر وان هێرشان گرۆپێن چەکدارێن نێزیکی ئیرانێ توهمەتباردکەت، هەڤدەم، د دەما دەربازبووی دا چەند جارەکان ب رێکا موشەکان هێرشکریە سەر هەردوو بالەفڕخانەیێن ناڤدەولەتی یێن هەولێرێ و بەغدا.
م.م