فۆتۆ:
2021-06-13
112 جار خوێندراوەتەوە
پشتی گەفێن چەند کەسان بۆ هەرفاندنا مزگەفتا ئەبو حەنیفە، لیوا یەحیا رەسول پەیڤدارێ هێزێن چەکداریێن عێراقێ ڕاگەهاند، "ئەو گەفێن کو بەحسا ژناڤبرنا مەزارگەهێن ئاینی دکەن بتنێ بانگەشەیا فەیسبوکی یە" و "ب دژواری دێ لدژی هەر بزاڤەکێ راوەستین".
لیوا یەحیا رەسول د لێدوانەکا تایبەت دا بۆ ئێن ئاڕ تی ڕاگەهاند، "هێزێن ئەولەهی بتوندی دێ لدژی وان کەسان راوەستن یێن بژڤانن جهێن ئاینی بکەنە ئارمانج".
پەیڤدارێ هێزێن چەکداریێن عێراقێ گوتژی، "ئەو بانگەشەیە بتنێ گەفێن فەیسبوکی نە و مەرەما وان ئەوە ڕایا گشتی تێکبدەن".
دەربارەی رێکاران ژی دیارکر، "هێزێن ئەولەهی ب زیترین دەم ل وان جهان هاتینە بەلاڤکرن بۆ وێیەکێ لبەر سینگێ تێکدەران ب راوەستن و وان جهان بپارێزن ژ دەستێ وان جۆرە کەسان".
ئەڤەژی د دەمەکی دایە، د چەند رۆژێن دەربازبووی دا بانگەوازەک ل تۆڕێن جڤاکی بەلاڤبوو داخازا هەرفاندنا پەیکەرێ ئەبو جەعفەری مەنسوور، خەلیفەیێ دووێ یێ عەباسیان ل دەڤەرا مەنسووری ل بەغدا هاتەکرن، هەروەسا هەرفاندنا مزگەفت و قەبرێ ئەبوحەنیفە ل دەڤەرا ئەعزمییە ل بەغدا.
م.م