فۆتۆ:
2021-06-13
120 جار خوێندراوەتەوە
وەزیرێ پەتڕۆلا عێراقێ ڕاگەهاند، ب رێکا جێبەجێکرنا سێ پڕۆژان ب بهایێ دوو ملیار دۆلاران هاوردەکرنا بەرهەمێن پەتڕۆلى دێ کێم کەین، دبێژیت ژى، "ئێک ژ پڕۆژەیان بۆ بەرهەمئینانا بەنزینا کوالێتیا بلندە".
ئیحسان عەبدولجەبار وەزیرێ پەتڕۆلا عێراقێ ڕاگەهاند، ب بهایێ دوو ملیار دۆلاران هاوردەکرنا بەرهەمێن پەتڕۆلیێن عێراقێ دێ کێم کەین.
وەزیرێ پەتڕۆلا عێراقێ دیارکر ژى، دێ سێ پڕۆژەیان جێبەجێ کەین ل پالاوگەها ناڤەراست و پالاوگەها دۆرە و ڤەکرنا یەکەیەکا نوى کو ب کۆژمەکێ پتر ژ بەنزینا ئۆکتار یا بلند دێ بەرهەمئینیت، ئێک ژ وان پڕۆژەیان دێ کارگەهەکا بەرهەمئینانا هایدرۆجینێ بیت، کو دێ بەشداریێ کەت د بەرهەمئینانا بەنزین و چەند بەرهەمێن دى، ئەو پرۆژە دێ بەشداریێ کەن دکێمکرنا هاوردەکرنا بەرهەمێن پەتڕۆلى ب رێژا ٥٠% دێ بەرهەمئینیت و پێدڤیا ناڤخۆ د دابین کەت.
عێراق؛ داهاتێ سەرەکى یێ وێ ب رێکا پەتڕۆلێ بدەست دکەڤیت و داکەتنا بهایێ پەترۆلێ د سالێن دەربازبووی دا زیان ب ئابورێ ڤى وەلاتى گەهاند، د دەمەکى دا، مستەفا کازمى کابینا خۆ یا پێکهینای ڕاگەهاندبوو، کار بۆ ژێدەرەکێ دى یێ داهاتى دکەن ژبلى پەتڕۆلێ.
د.ش