فۆتۆ:
2021-06-12
97 جار خوێندراوەتەوە
ئەندامەکێ پەرلەمانێ عێراقێ ل لیستا سائیرون بۆ موقتەدا سەدر ڕاگەهاند، ئاستێ دەنگ و کورسیێن سائیرون د هەلبژارتنێن بهێت دا دێ زێدە بیت و نێزیکی ٨٦ بۆ ١٠٠ کورسیان دێ بدەستڤە ئینین.
بەدر زیادی ئەندامێ پەرلەمانێ عێراقێ ل لیستا سائیرون بۆ موقتەدا سەدر ڕاگەهاند، "ئەم بەرەڤ دروستکرنا حکومەتەکا نوی و دیارکرنا سەرۆک وەزیرەکێ نوی پێنگاڤان دهاڤێژین کو دێ ژ پشکا سائیرون بیت یان ژی هەر ئەم دێ دیارکەین".
ئاماژە ب وێیەکێ ژی کر، "د وێ باوەریێ داینە چ کەس و کوتلەیێن سیاسی وێ ژمارا کورسیان بدەسڤە نا ئینن یا کو سائیرۆن بزاڤان بۆ دکەت و دێ بدەستڤە ئینیت".
بەدر زیادی بەحسا وێیەکێ ژی کریە، "هەڤپەیمانێن شیعەیان دێ بڕیارێ لسەر دیارکرن و دەستنیشانکرنا سەرۆک وەزیرێن بهێت یێ عێراقێ دەن".
ئەڤە ددەمەکیدایە، بڕیارە هەلبژارتنێن پەرلەمانێ عێراقێ د مەها ١٠ یا ئەڤسالە دا بڕێڤەبچن و چەند تیمێن نیڤدەولەتی بۆ چاڤدێریکرنا هەلبژارتنان دێ هێنە عێراقێ.
هـ.ئـ