فۆتۆ:
2021-06-12
306 جار خوێندراوەتەوە
بالیۆزێ بەریتانیا ل عێراقێ، تەکەز ل پێدڤیا دانانا سنورەکى بۆ گرۆپێن چەکدارێن ژدەرڤەی دەسهەلاتا دەولەتێ کریە.
ستیڤن هیکى بالیۆزێ بەریتانیا ل عێراقێ، ل هژمارا تایبەتا خۆ ل تۆڕا جڤاکیا تویتەرى خۆشحالیا خۆ نیشاندایە بۆ سەرەدانا وى بۆ پێشانگەها ناڤدەولەتیا کتێب ل بەغدا.
هیکى دگەل تویتێ خۆ دا چەند وێنەیێن خۆ و وێ پێشانگەهێ بەلاڤکرنە و نڤیسیە، "من بەشدارى د وێ گۆتوبێژێدا کر یاکو دەزگەهێ بەها ئەلعلوم، دەربارەى سەروەریا عێراقێ ئەنجام دای".
بالیۆزێ بەریتانیا ل عێراقێ تەکەز ل پێدڤیا دانانا سنورەکى بۆ گرۆپێن چەکدارێن عێراقێ کر و نڤیسیە، "بۆ بدەستڤەئینانا سەقامگیرى و گەشەکرنێ کو ژ هەژى عێراقیانە، عێراقێ پێدڤی ب سازیێن بهێزێن دیموکراسیە و دانانا سنورەکى ل پێشیا وان گرۆپێن چەکدارێن ژدەرڤەى دەسهەلاتا دەولەتێ دا".
رۆژا ١٠ى حوزەیرانێ چالاکیێن ٢٢ەمین پێشانگەها ناڤدەولەتى کتێب ل بەغدا دەستپێکر کو بۆ دەما ١٠ رۆژان دێ ڤەکێشیت.
د.ش