فۆتۆ:
2021-06-10
170 جار خوێندراوەتەوە
رێبەرێ رەوتا سەدر پەیامەک ئاڕاستەی حەشدا شەعبی کر و تێدا هاتیە، ب ناڤودەنگیا جیهادێ و موجاهیدان د مەترسیێدایە، دبێژیت، "هین هەمی خەلەتیان دکەن، لێ یێن ژ هەمیا باشتر ئەون یێن دانپێدانێ دکەن و پەشێمان دبن".
موقتەدا سەدر د پەیاما خۆدا کو ئاراستەی حەشدا شەعبی کریە دبێژیت، "تێکۆشان و بەرگیریا مە کو دێ ژیانا خۆ لسەر دانین بتێ ژبۆ خودێ و ئێک رێزیا گەلیە"، د بەشەکێ دیێ پەیامێ دا هاتیە، " ب ناڤودەنگیا جیهادێ و موجاهیدان د مەترسیێدایە، هەمی ئالی بەرپسن پارێزگاریێ لێبکەن و بێی جێوازی خزمەتا نیشتمانی و گەلێ عێراقێ بکەن".
دیارکر ژی، "نە مە و نە هەوە مەرەما مە دونیا نینە کەسەک ژمە ژی بانگەوازیا وێیەکێ نەکریە کو خەلەتیان ناکەین، هین هەمی خەلەتیان دکەن، لێ یێن ژ هەمیا باشتر ئەون یێن دانپێدانێ دکەن و پەشێمان دبن".
حەشدا شەعبی،هێزەکا چەکداریی یا شیعەیە و هژمارا چەکدارێن وێ زێزیکی ١٢٠ هزار چەکدارانە، کو پشتی فەتوایەکا عەلی سیستانی مەرجعێ شیعەیێن عێراقێ بۆ بەرهنگاربوونا داعشێ دروستبوون، لێ پشتی وێیەکێ خستە ناڤ رێزێن هێزێن چەکداریێن عێراقێ، زێدەباری وێیەکێ بەشەک ژ چاڤدێران دیاردکەن، حەشدا شەعبی پابەندی بڕیارێن فەرماندەیا هێزێن چەکداران نەبوویە و وەک هێزەکا سەربەخۆ سەرەدەریێ دکەت.
م.م