فۆتۆ:
2021-06-10
504 جار خوێندراوەتەوە
ژێدەرەکێ ئەولەهیێ عێراقێ ڕاگەهاند، پشتی هێرشێن شەڤا دەربازبووی یا سەر بنگەهێ ئەسمانێ بەلەد و سەربازگەها ڤیکتۆریا ل بالەفڕخانا ناڤدەولەتیا بەغدا، هێزێن ئەمریکا ل عێراقێ خستنە د حالەتێ ئامادەباشیێ دا.
ئەڤرۆ پێنجشەمبی، ڕۆپەلا روسیا تودەی ژ زالردەڤێ ژێدەرەکێ ئەولەهیێ عێراقێ دیارکر، هێزێن ئەمریکا پێشبینیا هێرشەکا موشەکی بۆ سەر بنگەهـ و بارەگەهێن وێ ل عێراقێ دکەن، ب تایبەتی ئەو بابەتە ژی زانیاریێن تەمام ل بەردەستن.
وى ژێدەری گوت ژی، حالەتێ ئامادەباشیا هێزێن ئەمریکا بتنێ بالیۆزخانا ئەمریکا و بنگەهێ عەین ئەسەد ناگریت، بەلکو بنگەهێن سەربازیێن ئەمریکا ل هەرێما کوردستانێ ژی ڤەدگریت.
ئەڤە ژی پشتی وێیەکێ دهێت، شەڤا دەربازبووی، هێرشەکا موشەکی کرە سەر بنگەهێ ئەسمانی یێ بەلەد ل پارێزگەها سەلاحەدین و چ زیانێن گیانی و مادی نەبوون.
هەر د شەڤا دەربازبووی دا، سێ بالەفڕێن بێ بالەفڕڤان هێرشی سەر بالەفرخانەیا ناڤدەولەتیا بەغدا کرن و ئێک ژ بالەفڕان ژی ئێخستنە خارێ.
د دەما دەربازبووی ژی دا، ل عێراقێ بارەگەهـ و بنگەهێن سەربازی و دیپلۆماسی یێن بیانی و بتایبەتی یێن ئەمریکا بەرهنگاری هێرشێن مووشەکی و بالەفڕێن بێ بالەفڕڤان بووینە، لهەمبەر وێیەکێ ژی ئەمریکا گرۆپێن چەکدارێن نێزیک ل ئیرانێ لسەر ئەنجامدانا وان هێرشان تۆهمەتبارکرینە.
م.م