فۆتۆ:
2021-06-10
557 جار خوێندراوەتەوە
مەحموود داغ شارەزایەکێ ئابوری ل عێراقێ ڕاگەهاند، بهایێ دۆلارى بەردەوامە دبلندبوون و داکەتنێ دا د بازاڕێن دڕاڤی دا، کو ئەڤەژى ڤەدگەریت بۆ نەجێگیربوونا رەوشا سیاسی یا دوەلاتێ و مامەلەیا بانکا ناڤەندى یا عێراقێ دگەل ڤێ رەوشێ.
داغ دلێدوانەکا تایبەت دا بۆ ئێن ئاڕ تى ئاشکەراکر، بهایێ دڕاڤێ ئەمریکى لهەمبەر دینارێ عێراقى دێ بەردەوام بیت دبلندبوون و نزمبوونێ دا، ئەڤەژى بسەدەما نەجێگیربوونا رەوشا سیاسى دڤى وەلاتی دا، دگەل نێزیکبوونا دەما ئەنجامدانا هەلبژارتنان؛ کو ب وێ سەدەمێ گوهۆرینا پارەیی ژئالیێ سیاسیان و شاندنا دۆلارى بۆ ژدەرڤە دێ زێدەتربیت.
دەربارەی گەهشتنا بهایێ ١٠٠ دۆلارێن ئەمریکى بۆ ١٧٠ هزار دیناران، وى شارەزایێ ئابوورى گۆت ژى، ئەڤ نووچە نەڕاستن و نەدروستن و دچیتە دچارچوڤێ کارێ بانگەشەیا سیاسیدا.
ئەڤە د دەمەکى دایە، بهایێ دۆلارى ب نەجێگیرى دناڤبەرا بلندبوون و داکەتێ دایە و لگورەى گۆتنا شارەزایان، "ئەو نەجێگیرى و بلندبوونا بهایێ دۆلارێ ئەمریکى لهەمبەر دینارێ عێراقى، زیانەکا مەزن ب چینا ناڤەند و هەژارێن کومەلگەها عێراقێ گەهاندیە و بهایێ پێتڤیان و خارنێ بلندبوویە". ڤێ ژى نەرازیبوونا جاددێ و بەشەک ژ ئالیێن سیاسی بدویڤ خۆ دا ئینایە.
د.ش