فۆتۆ:
2021-06-10
133 جار خوێندراوەتەوە
بانکا ناڤدەولەتی ل عێراقێ ڕاگەهاند، قەیرانا ئابووری ل عێراقێ هێشتا مایە و ب داوی نەهاتیە، دبێژیت، ئامادەینە ب مەرج ژ ئالیێ دارایی ڤە هاریکاریا عێراقێ بکەین.
رەمزی نوعمان نوینەرێ بانکا ناڤدەولەتی ل عێراقێ بۆ رۆژناما فەرمی یا عێراقی ڕاگەهاندیە، مەرجێ پێدانا قەرزان ب بەغدا ئەوە کو حکومەتا وی وەلاتی ب فەرمی دەربارەی وێیەکێ داخازێ ژێ بکەت، دبێژیت، هەیا نها حکومەتا عێراقێ ژ داخازەکا نوی بۆ قەرز وەرگرتنێ پێشکێشی وان نەکریە.
ئاماژە ب وێیەکێ ژی کر، ئەگەر بەغدا داخازبکەت ئامادەنە بۆ گۆتۆبێژان چونکی ئەو هەڤبەشێن عێراقێ نە و سەقامگیریا وی وەلاتی بۆ وان گرنگە.
ڕاگەهاند ژی، ب دوویر دزانین د دەمەکێ کورتدا عێراق بشێت قەیرانان دەربازبکەت، کو بەشەک وەک میرات بۆ مایە و بەشەک ژی بسەدەما داکەتنا بهایێ پەتڕۆلێ و ڤایرۆسێ کۆرۆنایێ سەرهلدایە.
بەریا نها ژی، شێورمەندێ مستەفا کازمی ڕاگەهاندبوو، قەرزێن ناڤخۆیی و دەرەکی یێن عێراقێ گەهشتینە ١١٣ ملیار دۆلاران.