فۆتۆ:
2021-06-07
308 جار خوێندراوەتەوە
وەزارەتا ساخلەمیا عێراقێ ڕاگەهاند، د دەما ٢٤ دەمژمێرێن دەربازبووی دا، سێ هزار و ٥٨٥ حالەتێن توشبوونێ و ٢١ حالەتێن ژیان ژدەستدانێ ل پارێزگەهێن باشوور و ناڤەراستا عێراقێ دا هاتینە تومارکرن، هەڤدەم، ل هەرێمێ ژی، ٥٤٤ حالەتێن توشبوونێ و حەفت حالەتێن ژیان ژدەستدانێ هاتینە تومارکرن.
ئەڤرۆ شەمبیێ، وەزارەتا ساخلەمیا عێراقێ د ڕاگەهاندنەکێ دا بەحسا وێیەکێ کر، ل تەڤایا پارێزگەهێن باشوور و ناڤەراستا عێراقێ دا، سێ هزار و ٥٨٥ کەس تووشی ڤایرۆسێ کۆرۆنایێ بووینە و چار هزار و ٣٣٦ کەس ژ ڤایرۆسێ کۆرۆنایێ چارەسەربووینە، هەڤدەم، ٢١ کەسان ژی بسەدەما ڤایرۆسی ژیانا خۆ ژدەستدایە.
ل گورەی ڕاگەهاندنا وەزارەتا ساخلەمیا عێراقێ، د دەما ٢٤ دەمژمێرێن دەربازبووی دا ل سەرانسەری هەرێمێ، ٥٤٤ کەس توشی ڤایرۆسی بووینە و ٦١٦ کەس ژ ڤایرۆسێ کۆرۆنایێ چارەسەربووینە و چار کەسان ژی بسەدەما ڤایرۆسی ژیانا خۆ ژدەستدایە.
ڤایرۆسێ کۆرۆنایێ ل داویا سالا ٢٠١٩ێ ل باژێرێ وهانێ ل چینێ سەرهلدایە، هەیا نیسانا سالا ٢٠٢٠ێ د تەڤایا جیهانێ دا بەلاڤبوو، هەڤدەم هەیانها ل عێراقێ ئێک ملیۆن و ٢٢٩ هزار و ١٢١ کەس توشی ڤایرۆسێ کۆرۆنایێ بووینە، هەڤدەم ئێک ملیۆن و ١٤٦ هزار و ٧٤٥ کەس چارەسەربووینە و ١٦ هزار و ٥٦٦ کەسان ژی بسەدەما ڤایرۆسی ژیانا خۆ ژدەستدایە.
و.ح