فۆتۆ:
2021-06-05
539 جار خوێندراوەتەوە
پەیڤدارێ فەرماندەیا گشتی یا هێزێن چەکداریێن عیراقێ د ڕاگەهاندنەکی دا ئاماژە ب وێیەکێ کر، کو دێ ڤەکۆلینان بۆ هێرشا پەکەکێ بۆ سەر هێزێن پێشمەرگەی ل پارێزگەها دهۆکێ کەن.
ئەڤرۆشەمبی، یەحیا رەسول پەیڤدارێ فەرماندەیا گشتی یا هێزێن چەکداریێن عیراقێ، ڕاگەهاندنەک دەربارەی بوویەرا ئەڤرۆ بەلاڤکر کو تێدا هاتیە،" ب توندی ئیدانەیا دەسترێژیا یەکەیێن سەربازیێن عێراقێ و ناڤدا ژی هێزێن پێشمەرگەی ل چیایێ مەتین ل پارێزگەها دهۆکێ لسەر دەستێ گروپێن چەکداریێن ژدەرڤەی وەلاتی دکەن".
ئەوژی دیارکر، "هێزێن ئەولەهی ڤەکولینان دەربارەی بوویەرێ دکەن و دێ سزایەکی دادپەروەرانە گەهیننە وان کەسێن کو دەسترێژیێ دکەنە سەر خوینا عێراقیان".
هەڤدەم، سەرەخۆشی ل بنەمالێن شەهیدێن ئەڤرۆ کر و داخازا سلامەتیێ بۆ برینداران خاست.
بەحسا وێیەکێ ژیکر، هێزێن چەکداریێن عێراقێ بەڕەڤانیێ ژ سەروەریا نیشتمانی دکەن و رێگریێ ل هەر رەفتارەک و سەرەدەریەکا ناڤخۆ و دەرڤە بۆ تێکدانا بنەمایێن دەستورێ دکەن.
ڕاگەهاند ژی، دەستور رێکێ نادەت ئاخا عێراقێ بۆ هێرشکرنا سەر جیرانان بکاربێت.
ئەڤرۆ سپێدێ، وەزارەتا پێشمەرگەیێن هەرێما کوردستانێ ڕاگەهاند، ژ ئالیێ هێزێن پەکەکێ ڤە بوسەیەک بۆ پێشمەرگەیان ل دەڤەرا ئامێدیێ ل چیایێ مەتینا هاتبوو دانان، د ئەنجامدا پێنج پێشمەرگە شەهیدبوون و چارێن دی ژی برینداربوون".