فۆتۆ:
2021-06-04
353 جار خوێندراوەتەوە
کۆمسیۆنا مافێن مرۆڤى ل عێراقێ، هژمارا بێسەروشوینان ل دەستپێکا خۆنیشاندانێن تشرینێ ل سالا ٢٠١٩ێ ئاشکراکرن و تێدا هاتیە، نێزیکى ١٠٠ کەسان بێسەروشوینن.
فازل غەراوى ئەندامێ کۆمسیۆنا مافێن مرۆڤى دلێدوانەکێدا بۆ میدیا یا فەرمی یا عێراقێ ڕاگەهاند، چارەنڤیسا هەمى بێسەروشوینانان هاتیە زانین کو هژمارا وان ٧٦ بێسەروشوینن، ژبلى ١٨ بێسەروشوینان کو هێشتا پرۆسەیا لێگەریانێ ب دۆیڤدا بەردەوامە بۆ زانینا چارەنڤیسا وان.
فازل غەراوى گۆت ژى، "هەیا نها چ ئامارێن هۆیربین دبەردەستدا نینن دەربارەی بێسەروشوینان و ئەو کەسێن هاتین ڕەفاندن ژ ئالیێ داعشێ ڤە".
بەحسا وێیەکێ ژى کر، "چەکدارێن داعش رابوونە ب ڕەڤاندنا ژن و زارۆکان ل باژێرێن هاتین رزگارکرنێ و ڕەوانەی ژدەرڤەیی عێراقێ هاتینەکرن".
ژبەریا نها ژى، "حکومەتا فیدرال ڕاگەهاندبوو، هەیا داوویا مەها تەمووزا سالا دەربازبووی؛ ئامارا قوربانیێن خۆنیشاندانێن تشرینێ ل عێراقێ گەهشتینە نێزیکى ٥٦٠ کەسان.
ئەڤەژى ددەمەکى دایەى، ل ٢١ ی تشرینا ئێکێ یا سالا ٢٠١٩ێ خۆنیشاندانەکا مەزن و بەرفرەهـ ل عێراقێ دەستپێکربوو و بەرنیاسبوو ب خۆنیشاندانا تشرینێ، کو تێدا پتر ژ ٤٠٠ خۆنیشاندان هاتن کوشتن و نێزیکى ٢٠ هزارێن دى برینداربوون.
د.ش