فۆتۆ:
2021-06-04
578 جار خوێندراوەتەوە
بریاردەرێ لژنا دارایی ل پەرلەمانێ عێراقێ ڕاگەهاند، لهەڤهاتن دەربارەی ئالیەت و میکانزما جێبەجێرکرنێ دناڤبەرا هەرێم و بەغدا هاتیەکرن، دبێژیت ژی، ئاریشە د جێبەجێکرنا ماددەیێ لهەڤهاتنێ دایە.
ئەحمەد سەفار بریاردەرێ لژنا داراییا پەرلەمانێ عێراقێ بۆ ئێن ئاڕ تی ڕاگەهاند، ئەو شاندێ هەرێمێ یێ چوویە بەغدا لهەڤهاتن لسەر ئالیەت و میکانزما جێبەجێکرنێ کریە و ب زۆترین دەم دێ ئەڤ ئاریشەیە دێ چارسەربیت.
گوت ژی، بەشە بودجەیا هەرێمێ یا هەر پێنج مەهێن دەربازبووی دێ گەهیتە دەستێ هەرێمێ و مەهێن داهاتی ژی دێ بەردەوامی پێ هێتىەدان و گیرونابیت.
ئاماژە ب وێیەکێ ژی کر، دەستپێکێ ئاریشە لبەغدا بوو ژبەرکو کوتلێن سیاسی لسەر رازینەدبوون بودجەیا ٢٠٢١ێ دەربکەڤیت، پشتی گەلەک بزاڤان وان شیا بودجەی دەربێخن، لێ ئاریشە دجێبەجێکرنا ماددێ لهەڤهاتنێ دایە.
ئاشکرا ژی کر، نها شاندێ هەرێم و حکومەتا عێراقێ لهەڤهاتن کریە و ب زۆترین دەم دێ هێتە جێبەجێکرن.
بەحسا وێیەکێ ژی کر، لدیڤ یاسایا کارگێریا داراییا حکومەتا عێراقێ ٥٠% ژ داهاتێن سنوری و یێن ئیتیحادی لهەڤهاتنە هاتیە کرن و هەردوو دیوانێن چاڤدێریا دارایی لسەر وی مینکانزمی کاردکەن کا چەوا ژ بەشێ بودجەیا هەرێمێ ببڕن.
ئەڤە د دەمەکی دایە، حەفتیا دەربازبووی شاندەکێ هەرێمێ سەرەدانا بەغدا کر و دوو رۆژان بەریا نها ڤەگەریا هەرێمێ و چ ڕاگەهاندن و زەلالکرنە دەربارەی سەرەدانا خۆ بەلاڤنەکرن.
و.ح