فۆتۆ:
2021-06-04
607 جار خوێندراوەتەوە
عەمار حەکیم سەرۆکێ ڕەوتا حیکمە گەهشتە باژارێ کەرکوکێ و مەرەم ژ سەرەدانا وی بۆ هایداربوونا ڕەوشا وی باژاری و جڤین دگەل بەرپرس و ئالیێن وی باژاری یە.
ئەڤرۆ ئەینی، عەمار سەرۆکێ ڕەوتا حیکمە گەهشتە باژارێ کەرکوکێ و ژ ئالیێ پارێزگار و بەرپرسێن دی یێن کەرکوکێ ڤە هاتە پێشوازیکرن.
لگۆرەی زانیاریان، عەمار حەکیم بۆ هایداربوون لسەر ڕەوشا سیاسی و ئەولەکاری و خزمەتگوزاریا باژارێ کەرکوکێ سەرەدانا وی باژاری کریە و دگەل بەرپرسێن حکومیی و حزبی یێن وی باژاری دێ جڤیتن.
نەجات حسێن بەرپرسێ رێکخستنا ڕەوتا حیکمە ل کەروکێ بۆ میدایایێ ڕاگەهاندیە، "سەرەدانا عەمار حەکیم د نهادا گرنگە، ژبەرکو سەرۆکێ ڕەوتا حیکمە ب گرنگی ڤە بەرێ خۆ ددەتە کەرکوک و ئاکنجیێن وێ".
د مە سباتا ئەڤ سالە ژی دا، عەمار حەکیم سەرۆکێ ڕەوتا حیکمە سەرەدانا پارێزگەها سلێمانیێ و هەولێرێ کر و د ڕیورەسمێن رۆژا شەهیدیێن عێراقێ دا بەژداربوو و گوتی، "نابیت مووچەخۆرێن هەرێما کوردستانێ بسەدەما ململانێ یێن سیاسی مووچەیێ وان پاشبکەڤیت".
سوران محەمەد، کەرکوک
و.ح