فۆتۆ:
2021-06-03
307 جار خوێندراوەتەوە
رێکخراوا لێبورینێ یا ناڤدەولەتی ڕاگەهاند، هەیا نها چارەنڤیسێ ٦٤٣ وەلاتیان دیار نینه، کو ل دەما شەڕێ کۆنتڕۆلکرنا باژێرێ فەلوجە ژ دەستێ چەکدارێن داعش، ژ ئالیێ حەشدا شەعبی ڤە هاتینە ڕەڤاندن.
لین مەئلوف جیگرێ ڕێڤەبەرێ رێکخراوا لێبورینێ یا ناڤدەولەتی بۆ کاروبارێن رۆژهەلاتا ناڤەڕاست و باکورێ ئەفریقا ڕاگەهاند، "بەریا نها ب پێنج سالان، ل وی دەمێ وەلاتیێن باژێرێ فەلوجە ل شەڕێ بدژی داعشێ ئاوارەی دەڤەرێن دی بووین، ٦٤٣ کەس ژ ئالیێ چەکدارێن حەشدا شەعبی ڤە هاتینە ڕەڤاندن".
لین مەئلوف بەحسا وێیەکێ ژیکر، ئەو کەسێن کو رزگاربووین دوجاران لێدان و سفکاتی پێ هاتەکرن و کەسوکارێن وان زەلام و کۆران د کارەساتەکا مەزن دا دژین ژبەر وێیەکێ کو چارەنڤیسێ وان نزانن، ئەرێ د ژیانێ دا ماینە یان نە.
ئەو ڕێڤەبەرێ رێکخراوا لێبورینێ یا ناڤدەولەتی داخاز ژ حکومەتا عێراقێ کر، چارەنڤیسێ وان کەسێن کو هاتینە ڕەڤاندن بهێتە ئاشکەراکرن و ئەنجامێ ڤەکۆلینان بهێتە ڕاگەهاندن و توهمەتبار ژی لدیڤ یاسایێ بهێنە سزادان.
دیارکر ژی، ئەو کەسە ل هەمبەر دایک و بابێن وان هاتینە ڕەڤاندن.