فۆتۆ:
2021-06-01
342 جار خوێندراوەتەوە
ڕوانگەها سوری بۆ مافێن مڕۆڤى ڕاگەهاند، ب سەدەما شەرێ ١٠ سالیێ سوریا نێزیکى نیڤ ملیون کەسان ژیانا خۆ ژ دەست دایە.
د ئامارەکا نووى دا، ڕوانگەها سورى بۆ مافێن مڕۆڤى ئاشکەراکر، ژ دەستپێکا دروستبوونا ئالوزیێن سوریا د سالا ٢٠١١دا، نێزیکى ٤٩٧ هزار و ٤٣٨ کەس هاتینە کوشتن و ل دوماهیک ئاماردا، پتر ژ ٣٨٨ کەس د ئادارا ئەڤ سالەدا، هاتینە کوشتن.
ل دەستپێکا ئەڤ سالە ڕوانگەهێ شیا ١٠٥ هزار و ١٥ کەسان ژ کوشتیان توماربکەت، پرانیا کەسان ل داویا سالا ٢٠١٢ و داویا سالا ٢٠١٥ دا هاتینە کوشتن، دناڤدا ژى ٤٢ هزار و ١٠٣ وەلاتیێن مەدەنى هەنە، بەشەک ژ وان وەلاتیێن مەدەنى ل ژێر سزادان و زیندانکرنا ڕژێما سوریا دا ژیانتا خۆ ژ دەست دانە.
هەڤشێوەیێ وەلاتێن دى یێن رۆژهەلاتا ناڤەڕاست؛ سوریا پێلەکا ئاشتی و دیموکراسیێ دژى دەسهەلاتا خێزانى و وى وەلاتێ ب خۆ ڤە دیتى، لێ پاشى ب شەڕ و هەڤرکیا نافخویی و پارچەبوونا وەلاتى دناڤبەرا چەند هێزەکێن نافخویی دا ب پشتەڤانیا دەرەکى لێ کەفتیە و پشتى ١١ سالا، هەیا نها بەردەوامە.
نها، سوریا دناڤبەرا هێزێن حکومەت، هێزێن کوردى، چەکدارێن تورکیا و گورۆپێن چەکدارێن داعشدا پارڤبووینە، زێدەباری دەستێوەردانا وەلاتێن وەک ئەمریکا، روسیا، تورکیا، ئێران و هەژمارەکا وەلاتێن دى یێن دەڤەرێ و جیهانێ.