کۆمسیونا بلندا هەلبژارتنێن عێراقێ ٢٠ بەربژێر دوویرخستن

فۆتۆ: 

404 جار خوێندراوەتەوە

کۆمسیونا بلندا سەربەخۆیا هەلبژارتنێن عێراقێ ڕاگەهاند، بسەدەما بنپێکرنا حوکمێن برگا سێ ژ ماددێ هەشت ژ یاسایا هەلبژارتنان، جڤاتا کومسیارێن کۆمسیۆنێ بڕیاردایە ب دوویرخستنا ٢٠ بەربژێران ژ هەلبژارتنێن بهێت یێن پەرلەمانی.

کۆمسیۆنا بلندا سەربەخۆیا هەلبژارتنێن عێراقێ بەلاڤکرنەک بەلاڤکریە و تێدا هاتیە، بەربژێرێن دوویرخستی پێکهاتینە ژ هەر ئیک ژ؛ زیا محەمەد محەمەد ئەسعەد، ریسان میقداد حوسێن عەزاوى، نازم زایر حەتاب تەعبان، نەبیل محەمەد مونشید مەناحی، عەلی دەروێش عەلی دەروێش، فالح عەبدوالعالی تاهیر حوسێن، عەلی یوسف حەمود تلفاح، عەلی سالم سەعد نەبهان، کازم جەلاوى دەغیش حەجى بدێرى، باسم عەبدوللا سولتان عەلی هادى سالح مەحی، حەسەن فەرحان حوسێن خەلیفە، حەنان هادى حەمەد عەنناز، حەیات کازم سلێمان زەخر، بەسمان زەنون سەعید زاهیر، ئەحمەد ئیسماعیل مەجید بەهران، ئەیاد عەبود حەمود محەمەد، محەمەد حوسێن عەلی حزەیر، ئەحمەد عەبدوللا عەبد خەلەف، مەعرەف جاسم عەبود مەهدى شممەرى.

دەربارەی وێیەکێ دیارکر، جڤاتا کومسیاران دەرفەت ب پارتێن سیاسی و هەڤپەیمانیان دایە بۆ گۆهورینا بەربژێرێن دوویرخستی د ماوێ سێ رۆژان دا ژ لهەڤهاتنا هایدارکرنا وان.

هەڤدەم، ئاماژە ب وێیەکێ کریە، پارت و هەڤپەیمان دشێن ل بەر دەستەیا دادوەری بۆ هەلبژارتنان پشت ب حوکمێن هەردوو ماددێن (١٩/ئێکەم) و (٢٠/ئێکەم) ژ یاسایا کۆمسیۆنا بلندا سەربەخۆیا هەلبژارتنان هژمارە ٣١ یا سالا ٢٠١٩ێ و رەخنان ل وێ بڕیارێ بدەن، ب ئەگەرێ ژناڤبرنا بڕیارا جڤاتا کۆمسیاران ژ ئالیێ دەستەیا دادوەرى بۆ هەلبژارتنان، ئەڤجا ناڤێ بەربژارێن دوویرخستی دێ ڤەگەریت ناڤ لیستا پارت و هەڤپەیمانیان کو بەربژارکرینە.

بڕیارە هەلبژارتنێن پێشوەخت یێن جڤاتا نوینەرێن عێراقێ ل ١٠ى تشرینا ئێکێ یا ٢٠٢١ێ برێڤەبچیت.