فۆتۆ:
2021-05-31
428 جار خوێندراوەتەوە
ژ کوما ١٠٠ خێزانێن داعش کو ژ كه‌مپا "هۆلێ" بۆ عێراقێ هاتینه ڤه‌گۆهاستن، ٩٤ هاتینە ڤەگوهاستن و شەش خێزان دیار نینن.
ڤیان ده‌خیل په‌رله‌مانتارا به‌رێ یا جڤاتا نوونه‌رێن ئیراقێ د تویتەکێ دا دیارکر، هژمارا ئەو خێزانێن کو ژ کەمپا هوۆلێ بو عێراقێ هاتینە ڤەگوهاستن ١٠٠ خێزان بووینە، لێ شەش خێزان دیار نینن و پرسیار دکەت، ئەرێ خه‌مساری ژ حكومه‌تێ بوویه؟ یان لدووڤ لهەڤهاتنەکێ بوویه؟، ئەگەر لهەڤهاتن هه‌بیت، د‌گه‌ل كێ بوویه و د به‌رژه‌وه‌ندییا دا كێ دا بوویه.
په‌رله‌مانتارا به‌رێ یا جڤاتا نوینه‌رێن عێراقێ ئاماژە ب وێیەکێ ژیکر، ئەو خێزانێن داعشێ یێن کو دیار نه‌ماین، كینه؟، و كیڤه چووینه؟.
بەریا نها حكومه‌تا عێراقێ لهەڤهاتن دگەل هێزێن هه‌ڤپه‌یمانان کربوو کو خێزانێن داعشێ یێن عێراقێ ل كه‌مپا "هۆلێ" دێ ڤه‌گه‌ریننه عێراقێ و ل كه‌مپا "جه‌دعه" بهێنه بنه‌جهـكرن و پرۆسە بەرى چەند روژان دەستپێکربوو و هاتبوو بەلاڤکرن، کو نێزیکی ١٠٠ خێزان هاتینە ڤەگوهساتن د پرۆسەیا ئێکێ دا.
کەمپا هولێ ٤٥ کیلۆمەتران ژ باژارێ حەسەکێ ل روژئاڤا کوردستانێ یا دوورە و ژ ٩ بەشان پێکهاتیە، و هەشت بەشێن کەمپێ پەنابەر و کۆچبەرێن عێراقێ و سوریا تێدانە.