فۆتۆ:
2021-05-30
863 جار خوێندراوەتەوە
لژنەیا بلند یا ساخلەمیێ و سلامەتیا نیشتمانی یا عێراقێ بڕیاردا قەدەغەیا هاتن و چوونێ ژ دەمژمێر ٩ی شەڤێ هەیا ٥ی سپێدێ دێ یا بەردەوام بیت.
ئەڤرۆ ئێکشەمبی، لژنەیا بلند یا ساخلەمیێ و سلامەتیا نیشتمانی یا عێراقێ بڕیاردا ب درێژکرنا قەدەغەیا هاتن و چوونێ ژ دەمژمێر ٩ی شەڤێ هەیا ٥ی سپێدێ ل تەڤایا پارێزگەهین عیراقێ دێ یا بەردەوام بیت.
بەحسا وێیەکێ ژیکر، د چەندرۆژێن دەبازبووی دا ل میدیایان و تەڕێن کومەلایەتی نووچەیێ نەهێلانا قەدەغەیا هاتن و چوونێ ناڤەندی بەلاڤبوویە، لێ قەدەغە دێ یا بەردەوام بیت.
هەڤدەم، ل دەستپێکا ڤێ مەهێ، جڤاتا وەزیرێن عێراقێ ڕاگەهاند، ب پشت بەستن ب رێنمایێن لژنەیا بلندا ساخلەمیێ، ژ ١٢ی گولانێ هەیا ٢٢ی گولانێ قەدەغەیا هاتن و چوونا سەرتاسەرى ل عێراقێ دێ هێتە جێبەجێکرن.
د دەما دەبازبووی دا، قەدەغەیا هاتن و چوونا ناڤەندى هێدى هێدى ل عێراقێ و ب مەرەما رێگریکرن ژ بەلاڤبوونا ڤایروسێ کۆرونایێ دێ هێتە جێبەجێکرن.