فۆتۆ:
2021-05-30
332 جار خوێندراوەتەوە
سەرکردەیێ هەڤپەیمانیا دەولەتا یاسایێ ڕاگەهاند، "بزاڤێن هژمارەکا ئالیان ئەوە کو شەڕ دناڤبەرا حەشدا شەعبی و هێزێن چەکداریی دا روویبدەت، لێ شکەستن ئینا"، دبێژێت، "حەشدا شەعبی گەلەک قوربانی داینە ل پێناڤ کۆنترۆلکرنا دەڤەرێن عێراقێ".
نوری مالیکی سەرکردەیێ هەڤپەیمانیا دەولەتا یاسایێ ل هژمارا خۆیا تایبەت ل تویتەری بەلاڤکریە، "هژمارەکا ئالیان بزاڤکرن حەشدا شەعبی توشی شەڕی بکەن دگەل هێزێن چەکداریی، لێ بزاڤێن وان شکەستن ئینا"، نڤیسایەژی، "پێتڤیە هێزێن چەکداری هایداربن لسەر کەسێن پلانان ددانن و دڤێت دگەل حەشدا شەعبی ئێک ڕێزبن هەر وەکێ د گۆرەپانا شەڕی دا ئێک ڕێزن".
ئەڤەژی پشتی وێیەکێ دهێت، بەریا نها جومعە عناد وەزیرێ بەڕەڤانیا عێراقێ ڕاگەهاندبوو، چەکێ حەشدا شەعبی هێڕش نینە بۆ سەر ھێزێن سوپای.
ئاماژە ب وێیەکێ ژیکربوو، ھێزێن سوپای ب هێزن و دشێن شەڕی دگەل ھەر دەولەتەکێ بکەن ئەگەر بزاڤان بکەن ھێرش بکەنە سەر عێراقێ.