فۆتۆ:
2021-05-30
560 جار خوێندراوەتەوە
کۆمسیۆنا بلندا سەربخۆ یا هەلبژارتنێن عێراقێ ڕاگەهاند، ئامادەکاری کرینە د مەها شەش دا بانگەشەیا هەلبژارتنان دەستپێبکەت و دێ بۆ سێ مەهان بەردەوامبیت.
ژێدەرەک ژ کۆمسیۆنا بلندا سەربخۆ یا هەلبژارتنێن عێراقێ ب میدیایێن ناڤخۆیی ڕاگەهاندیە، "بزاڤان دکەن د ٢٤ دەمژمێران دا ئەنجامێن ئێکێ یێن هەلبژارتنان ڕابگەهینن".
وی ژێدەری ئاماژە ب وێیەکێ ژی کر، ئەگەر هژمارتنا ئەنجامان ب دەستی و ئەلیکترۆنی ب ڕێژەیا ژ سەدێ پێنج جوداهی هەبوو، دێ ل هەمان بنگەهـ جارەکادی ب دەستی دەنگ هێنە هژمارتن.
بڕیارە ل مەها ١٠ یا ئەڤسالە هەلبژارتنێن بەروەختێن پەرلەمانێ عێراقێ بڕێڤەبچن و کۆمسیۆنێ ژی ڕاگەهاندیە، هەمی ئامادەکاری هاتینە کرن بۆ وێیەکێ پرۆسە ب رەنگەکێ ساخلەم و د دەمێ خۆیێ دیارکریدا بڕێڤە بچیت.