فۆتۆ:
2021-05-29
132 جار خوێندراوەتەوە
جێگرێ سەرۆکێ پەرلەمانێ عێراقێ ڕاگەهاند، رەوشا گشتی د عێراقێ دا پشتەڤانیا هەلبژارتنان دکەت، چونکە حکومەت و ئالی و فراکسیۆن لهەڤهاتینە لسەر وێیەکێ بهێنە ئەنجامدان، دبێژیت، "چ فراکسیۆنەکێ ب فەرمی داخازا پاشداخستنا هەلبژارتنان یان هەموارکرنا یاسایا هەلبژارتنان نەکرییە".
بەشیر حەداد جێگرێ سەرۆکێ پەرلەمانێ عێراقێ بۆ رۆژناما سەباح دیارکر، هەیا نها چ داخازیەکا فەرمی دەربارەی هەموارکرنا یاسایا هەلبژارتنان پێشکێشی سەرۆکایەتیا پەرلەمانی نەهاتیەکرن، دبێژیت ژی، ئەوا دەربارەی پاشداخستنا هەلبژارتنان دهێتە گووتن بتنێ گۆتگۆتکن.
جێگرێ سەرۆکێ پەرلەمانێ عێراقێ ئەوژی دیارکر، هەر دەما حکومەتێ یان سەرۆکایەتیا کۆمار یان ١٠ ئەندام پەرلەمانان یان لژنەیا تایبەت داخازەکێ پێشکێشی پەرلەمانی بکەن بۆ پاشداخستنا هەلبژارتنان، ل وی دەمی لدیڤ ماددێ ٦٠ دێ رێکارێن یاسایی گرنەبەر.
ئاماژە ب وێیەکێ ژیکر، دیارکرنا دەمێ ئەنجامدانا هەلبژارتنان یان پاشداخستنا وان ئەرکێ پەرلەمانی یە، بەلکو حکومەت ب هەماهەنگی دگەل کۆمسیۆنێ دیاردکەن، لێ هەیا نها ئەوا هەی ئەنجامدنا هەلبژارتنانە د دەمێ خۆیێ دیارکری دا.
ئەڤە د دەمەکی دایە، بڕیارە هەلبژارتنێن بەروەخت یێن پەرلەمانێ عێراقێ ل مەها تشرینا ئێکێ یا ئەڤسالەدا بڕێڤەبچن.
م.م