فۆتۆ:
2021-05-29
143 جار خوێندراوەتەوە
ژێدەرەکێ عێراقێ ڕاگەهاند، حەشدا شەعبی و گروپێن چەکداریێن شیعە یێن دی دەست ژ کارکێشانا ئەحمەد ئەبو رەغیف سەرۆکێ لژنا نەهێلانا گەندەلیێ ئاماددەنە پەیوەندیان دگەل مستەفا کازمی سەرۆک وەزیرێن عێراقێ ئاسایی بکەن.
ڕۆپەلا ئاڕ تی یا روسی ژ زاردەڤێ ژێدەرەکێ عێراقێ بەلاڤکریە، فەرماندەیێن حەشدا شەعبی و گروپێن چەکداریێن شیعە یێن دی دەست ژ کارکێشانا ئەحمەد ئەبو رەغیف سەرۆکێ لژنا نەهێلانا گەندەلیێ کرییە مەرج بۆ ئاسایی کرنا پەیوەندیان دگەل مستەفا کازمی سەرۆک وەزیرێن عێراقێ.
وی ژێدەری ئاشکەراکر، سەدەما داخازکرنا دەست ژ کارکێشا ئەبۆرەغیف ڤەدگەریت بۆ جێبەجێکرنا دەستەسەرکرنا قاسم موسلیحی فەرماندەیێ حەشدا شەعبی.
ئەوژی دیارکر، د رۆژێن دەربازبووی دا گەلەک بزاڤ هاتینەکرن ئالۆزیێن دناڤبەرا کازمی و حەشدا شەعبی و گروپێن چەکداری بهێنە چارەسەرکرن، لێ سەرکەفتی نەبوون.
ئەڤە د دەمەکی دایە، سپێدەهیا رۆژا چارشەمبی، ب توهمەتا تیرۆرکرنا چالاکڤانان، قاسم موسلیح فەرماندەیێ ئۆپەراسیۆنێن ئەنبار یێن حەشدا شەعبی و فەرماندەیێ لیوایا تفوف هاتەدەستەسەرکرن، وێیەکێ ژی نەڕازیبوونەکا بەرفرهـ یا هێزێن حەشدا شەعبی لدیڤ خۆئینا.
م.م