فۆتۆ:
2021-05-29
325 جار خوێندراوەتەوە
ژێدەرەکێ ئەولەهیا عێراقێ ڕاگەهاند، بالیۆزخانەیا ئەمریکا ل بەغدا زەنگا ئاگەهدارکرنا کارپێکرنا سیستەمێ بەرەڤانیا ئاسمانی ل دەما تاقیکرنا دا لێدا، ئەڤە ژی نویترین ئاماژەیە لسەر ئالۆزتربوونا پەیوەندیێن دناڤبەرا وی وەلاتی و گروپێن چەکدار.
وی ژێدەری ژ زارێ بەرپرسێن بلندێن سەربازی یێن ئاگەهدار بەلاڤکر، بالیۆزخانەیا ئەمریکا سیستەمێ بەرەڤانیا C-RAM ئێخستیە کار و چالاکی یێن کری، هەڤدەم، زەنگا ئاگەهدارکرنێ لسەر بانێ بالیۆزخانەیێ دگەل دا هاتیە لێدان.
ئاماژە ب وێ یەکێ ژی دا، ل دەما چالاککرنا وی سیستەمی وەکی تاقیکرنەکێ، بەرەڤ ئاسمانی تەقەکریە تا ئاستێ شیانێن بەرسڤدانا موشەک و هاوەن و هەر هێرشەکا دی بزانیت.
سیستەمێ C-RAM سیستەمەکێ بەرەڤانی یێ ئەمریکیە پشت گرێددەت ب رەشاشێ شەش لولەیی کو دشێت بزڤریت ژ جۆرێ M-61ێ ٢٠ مللیم و ب دیریا سێ هزار و ٥٠٠ مەتر گوللـە دھاڤێژیت.
ئەو سیستەم د ئێک خولەکدا دشێت چار هزار و ٥٠٠ گوللـەیان بتەقینیت و بۆ بەرەڤانیکرن ژ موشەک و گوللـە هاون بکاردئینیت.
هەڤدەم، ئەو سیستەم رادار یێ لسەر بۆ دیارکرنا ئاراستەیێ موشەکان ل ئاسمانیدا و دەستنیشانکرنا جهێ هەلدان و کەفتنە خارێ ژی، کو پشت ب هاوکێشە خوارزمی یا بیرکاریێن ئالۆز گرێددەت.
هـ.ر