فۆتۆ:
2021-05-27
1755 جار خوێندراوەتەوە
سەرۆکا فڕاکسیۆنا پارتی ل پەرلەمانێ عێراقێ دەربارەی سەدەمێ نەشاندنا پشکا هەرێمێ ژ بودجەیا سالا ٢٠٢١ێ راگەهاند، بڕیاربوو شاندێ هەرێمێ سەرەدانا بەغدا بکەتن لێ پشتی دروستبوونا ئاڵۆزیێن بەغدا ئەو سەرەدانە هاتە پاشخستن.
ڤیان سەبری سەرۆکا فڕاکسیۆنا پارتی ل پەرلەمانێ عێراقێ بۆ ئین ئاڕ تی ڕاگەهاند، ئەو وەکی نوینەرێن هەرێمێ سی جاران ب فەرمی داخازا شاندنا بەشە بودجەیا هەرێمێ کرنە.
سەرۆکا فڕاکسیۆنا پارتی ل پەرلەمانێ عیراقێ ئاماژە ب وێیەکێ کر، دەما پێنج مەهایە بەشە بودجەیا هەرێمێ نەشاندنە، دبێژیت ژی، پێتڤیە حکومەتا عێراقێ پشکا هەرێمێ بشینیت، ژبەرکو حکومەتا هەرێمێ پابەندبوویە ب شاندنا پەتڕۆلێ لهەمبەر شاندنا بەشە بودجەیا هەریمێ ژ بودجەیا گشتیا عێراقێ.
ئەڤە د دەمەکی دایە، بۆ دەما زێدەتر ژ مەهەک و نیڤایە بودجەیا عێراقێ هاتیە پەسەندکرن، لێ هەیا نها چ کۆژمێن پارەی ژ بەغدا نەگەهشتنە هەرێمێ د دەمەکی دا یە کو پشکا هەرێمێ د بودجەیا عێراقێ ب ١٢.٦٧%ێ هاتیەدیارکرن، و لهەمبەر وێیەکێ ژی حکومەتا هەرێمێ پابەندە لسەر ڕادەستکرنا ٢٥٠ هزار بەرمیلێن پەتڕۆلێ ب بهایێ سۆمۆ دگەل ڕادەستکرنا نیڤا داهاتێ خالێن سنوری.
و.ح