فۆتۆ:
2021-05-26
324 جار خوێندراوەتەوە
وەزارەتا ساخلەمی و ناڤخۆیا عیراقێ ڕاگەهاند، هژمارا کوشتیێن خۆنیشاندانا دوهی ل بەغدا بۆ دوو کەسان بلندبوویە، هەڤدەم، ٢٦ کەس ژی برینداربووین.
ئەڤرۆ چارشەمبی، وەزارەتا ساخلەمی و ناڤخۆیا عیراقێ د ڕاگەهاندەکێ دا دیارکر، هژمارا وان کەسێن د خۆنیشاندانا دوهی دا ل بەغدا بووینە قوربانی، بلندبوویە دوو کەس هاتینە کوشتن و ٢٦ برینداربووینە.
بەریا نها ژێدەرەکێ ئەولەهی ڕاگەهاند، د خۆنیشاندانا دوهی دا، ئێک خۆنیشاندەر هاتیە کوشتن و شەش خۆنیشاندەر برینداربووینە و هەر وەسا نەهـ کارمەندێن ئەولەهی برینداربوون.
ئەڤە د دەمەکی دایە، دوهی ل باژێرێ بەغدا یا پایتەختێ عێراقێ، خۆنیشاندان بدژی کوشتنا چالاکڤانان و رۆژنامەڤانان خۆنیشاندانەک ب دروشمێ (کێ ئەس کوشتم) ئەنجامدا و ئالوزی دناڤبەرا خۆنیشاندەران و هێزێن ئەولەهی روویدا.
ژ ئالیێ خۆڤە، مستەفا کازمی سەرۆک وەزیرێن عیراقێ ڕاگەهاند، دێ ڤەکۆلینان لسەر وان ئالوزین کەن یێن دناڤ خۆنیشاندانان دا روویداین.