فۆتۆ:
2021-05-25
305 جار خوێندراوەتەوە
پشتی ئەڤرۆ خۆ نیشاندانێن گۆرەپانا تەحریر ل بەغدا یا پایتەختێ عێراقێ دەستپێکرین، ئێڤاری ئالوزی د خۆنیشانداناندا دروستبوون و ل گورەی ئامارێن دەستپێکی کوشتی و بریندار هەنە.
ئەڤرۆ سێشەمبی، خۆپێشاندان ب دروشمێ (کێ ئەس کوشتم) خۆپێشاندان ئەنجامدان، ئەڤە ژی بسەدەما زێدەبوونا دیاردا تیرۆرکرنا چالاکڤانان و ڕەڤاندنا وان د ماوێ چەند مەهێن دەربازبووی دا، هەڤدەم، چالاکڤان وەسا هزردکەن، مەرەم ژ ڤێ خۆپێشاندانێ ئەوە کارتەکا فشارێ بێخنە سەر دەستهەلاتا عێراقێ بۆ ئاشکەراکرن و دەستەسەرکرنا توهمەتبارێن چالاکڤانان و خۆپێشاندەران و رادەستکرنا وان بۆ دادگەهێ.
ئێفاریا ئەڤرۆ د خۆنیشاندانێن گۆرەپانا تەحریر دا ئالوزی دناڤبەرا خۆنیشاندەران دا دروستبوو و هێزێن ئەولەهی و ب گوتنا کۆمسیۆنا مافێ مروڤی ل عێراقێ، کەسەک هاتە کوشتن و چەند کەسەک ژی برینداربوون.
ل ١ی تشرینا ئێکێ ل سالا ٢٠١٩ێ چالاکڤانان و گەنجان و وەلاتیێن عێراقێ ل بەغدا یا پایتەخت و باژێرێن جۆدا جۆدا لسەر نەبوونا کاری و گرانبوونا بهایێ کەلوپەلان و نەبوونا خزمەتگوزاریان و گەندەلیێ و دامەزراندنا دەرچوویێن زانکۆیان خۆپێشاندانەک ئەنجام دا، هەڤدەم، د چەند مەهێن دەربازبووی دا دیاردا کوشتنا چالاکڤانان و رۆژنامەڤانان و هیرش کرن لسەر و ڕەڤاندنا وان زێدەبوویە ب وی سەدەمی ئەڤ جارە خۆنیشاندەر بهێنە سەر جاددا و خۆپێشاندانان بکەن بۆ وێیەکێ داویێ ب ڤێ دیاردێ بینن و حکومەت تەهمەتباران دەستەسەربکەت و رادەستی دادگەهێ بکەت.
م.م