فۆتۆ:
2021-05-25
317 جار خوێندراوەتەوە
جارەکا دی خۆپێشاندانان ل بەغدا دەستپێکر ب ئامادەبوونا نوینەرێن خۆپێشاندەرێن باژێرێن دی یێن عێراقێ و ب تایبەتی هەردوو باژێرێن ناسریە و کەربەلا بڕێڤەچوو.
خۆپێشاندان ب دروشمێ (کێ ئەس کوشتم) خۆپێشاندان ئەنجامدان، ئەڤە ژی بسەدەما زێدەبوونا دیاردا تیرۆرکرنا چالاکڤانان و ڕەڤاندنا وان د ماوێ چەند مەهێن دەربازبووی دا.
چالاکڤان وەسا هزردکەن، مەرەم ژ ڤێ خۆپێشاندانێ ئەوە کارتەکا فشارێ بێخنە سەر دەستهەلاتا عێراقێ بۆ ئاشکەراکرن و دەستەسەرکرنا توهمەتبارێن چالاکڤانان و خۆپێشاندەران و رادەستکرنا وان بۆ دادگەهێ.
لگورەی میدیایێن ناڤخۆیێن وی وەلاتی، شەڤا دەربازبووی هێزێن عێراقێ ل جاددەیێن سەرەکی و نێزیک گۆڕەپانێن ئەندەلوس، فیردەوس، کەهرمانە و تەحریر ل ناڤەراستا بەغدا وەک ئامادەکاریەک بۆ خۆپێشاندانێن ئەڤرۆ.
چالاکڤانان سێ جهـ وەک ناڤەندا ب ڕێڤەچوونا خۆپێشاندانان دیارکریە، ئەو ژی، گۆڕەپانێن فیردەوس، تەحریر و نسور-ە ل بەغدا.
هەڤدەم گرۆپێ حزبوللا یا عێراقی لسەر خۆپێشاندانان ڕاگەهاند، ئەڤی کاری دەستێ مستەفا کازمی سەرۆک وەزیرێن عێراقێ لپشتە بۆ وێیەکێ دەما ئەنجامدانا هەلبژارتنان پاشبێخیت.
ئەبو عەلی عەسکەری بەرپرسێ ئەولەهی یێ گروپێ حزبوللا یا عێراقی د تویتەکی دا ڕاگەهاند، "پێتڤیە لسەر حەشدا شەعبی وان گەنجان ب پارێزیت و رێکێ نەدەت ببنە یاری د دەستێ دوژمنان دا".
ل ١ی تشرینا ئێکێ ل سالا ٢٠١٩ێ چالاکڤانان و گەنجان و وەلاتیێن عێراقێ ل بەغدا یا پایتەخت و باژێرێن جۆدا جۆدا لسەر نەبوونا کاری و گرانبوونا بهایێ کەلوپەلان و نەبوونا خزمەتگوزاریان و گەندەلیێ و دامەزراندنا دەرچوویێن زانکۆیان خۆپێشاندانەک ئەنجام دا، هەڤدەم، د چەند مەهێن دەربازبووی دا دیاردا کوشتنا چالاکڤانان و رۆژنامەڤانان و هیرش کرن لسەر و ڕەڤاندنا وان زێدەبوویە ب وی سەدەمی ئەڤ جارە خۆنیشاندەر بهێنە سەر جاددا و خۆپێشاندانان بکەن بۆ وێیەکێ داویێ ب ڤێ دیاردێ بینن و حکومەت تەهمەتباران دەستەسەربکەت و رادەستی دادگەهێ بکەت.
م.م