فۆتۆ:
2021-05-24
853 جار خوێندراوەتەوە
وەزیرێ چاندنا عێراقی ڕاگەهاند، "دگەل هەرێما کوردستانێ دەربارەی کۆنترۆلکرنا دەرازینکێن سنوری و سالنامەیا چاندنێ، گەهشتینە لهەڤهاتنێ".
محەمەد کەریم خەفاجی وەزیرێ چاندنا عێراقێ، د داخۆیانیەکا رۆژنامەڤانی دا ڕاگەهاند، "ب ڕێژەیا ٨٠ ژ سەدێ، دەرازینکێن سنوریێن هەرێما کوردستانێ ل بن کۆنترۆلا حکومەتا فیدڕالی دانە".
ئاشکەرا ژی کر، دگەل وەزارەتا چاندنێ ل هەرێما کوردستانێ دەربارەی کۆنترۆلکرنا دەرازینکێن سنوری و سالنامەیا چاندنێ، گەهشتینە لهەڤهاتنێ.
وەزیرێ چاندنا عێراقێ ئەوژی دیارکر، هندەک ژ بەرهەمێن چاندنێ ب سەدەما زێدەبوونا بەرهەمئینانا وان، هنارتینە ژدەرڤە، گوتژی "مۆلەتا هنارتنا باجانێن سور، پتاتا و بەرهەمێن دی دێ هێتە دان".
بەریا نها سالانە سەدان تەنێن پتاتا و باجانێن سور د ئینانە عێراقێ، لێ دڤان سالێن داویێ دا ب سەدەما زێدەبوونا رێژەیا بەرهەمێ ناڤخۆ پشکەکا کێمتر باجانێن سور و پتاتان دێ هێنە هنارتن.
م.م