فۆتۆ:
2021-05-24
411 جار خوێندراوەتەوە
سەرۆکایەتیا پەرلەمانێ عێراقێ ٣١/٥/٢٠٢١ێ وەک دەما لێپرسینێ دگەل وەزیرێ دارایی یێ حکومەتا عێراقێ دانا.
ئەڤرۆ دووشەمبی، لدیڤ بەلگەنامەیەکێ کو ب دەست ئێن ئاڕ تی کەتیە و ئیمزایا سیروان عەبدولا ئەمیندارێ گشتی یێ پەرلەمانێ عیراقێ لسەرە تێدا هاتیە، "سەرۆکایەتیا پەرلەمانی رۆژا دووشەمبیێ رێکەفتی ٣١/٥/٢٠٢١ێ بۆ لێپرسینێ دگەل وەزیرێ دارایی یێ حکومەتا فیدڕالی دانا".
لدیڤ زانیاریێن ئێن ئاڕ تی، لێپرسین دگەل وەزیرێ دارایی یێ عێراقێ گرێدایە ب چەند پرسان و یا ژهەمیان گرنگتر ئاریشا بلندبوونا بهایێ دۆلارێ ئەمریکی یە هەمبەر دینارێ عیراقی و پرسا بانکا ناڤەندی یا عێراقێ و کورتئینانا مەزن د بودجەیێ گشتی یێ سالا ٢٠٢١ێ دا.
ئەڤە د دەمەکی دایە، د دەما دەربازبووی دا بسەدەما داکەتنا بهایێ دیناری هەمبەر بهایێ دۆلاری و گران بوونا بهایێ کەلوپەلان و پێتڤیێن رۆژانە یێن خەلکی چەندین خۆپێشاندان و نەڕازیبوون دناڤ خەلکێ و ئالیێن سیاسی و فراکسیۆنێن پەڕلەمانێ عێراقێ لدیڤ خۆ ئیناینە و داخازا ژ دەست کارکێشانا وەزیرێ دارایی و پارێزگارێ بانکا ناڤەندی هاتەکرن.
م.م
